[لمسة دفء]

باب الصمت


ياباب صمتي ليه عندك ياقف الهرج ويموت
هو السبب بالهرج والا يوم انا ماني خلي
لاشك في بعض المواقف ما يفيد ابها السكوت
لازم يقال الحق لن الصمت شيء ٍ مخجلي
البارحه بغيت افوتها وعيت لا تفوت
الكلمه اللي من سببها صار عقلي يصتلي
لو السماء برق ورعد والبحر شفنا فيه حوت
( مير الله الوالي ولا غير الله الوالي ولي)
قدر الشوارب واللحاء ماهو بمن قدر البشوت
من قل قدره ما تعلى باللباس المخملي
مدري اختلاف الامكنه والا اختلافات الوقوت
اسباب تغيير المعالم والزمان الممحلي
وانا اعرف انه مابه اهون من بيوت العنكبوت
اللي زواياها من الخونه تغيض وتمتلي
واللي على الجرف الهيال ايعمر لنفسه بيوت
تطيح لو انه تبجح في رفيع المنزلي
يا منتخب لا تنتخب مال انتخابك معي صوت
خذها على الذرعان قبل اسوق للهيجاء جملي
بعض الكروت ادري بها ما هي مثل بعض الكروت
الفرق واضح بين ميت النار والقرم الشلي
والعز هو والطيب بالرجال ما ينبت نبوت
لاوالله الا ورث من ماض الزمان الاولي
صحيح بيت الفقر ما يذري ولا يشبعك قوت
ماهو مثل بيت الغناه اللي مخازينه ملي



...........