يسعد صباحك يا حبيبي
حالي طيب...
كل شيء مثل اللي كان
المدامع ... والمواجع ... والأمان اللي اختفى لحظة غيابك
والليالي اللي مضت ... مثل الليالي اللي مضت
الهم عازف ... والدمع نازف ... والعمر في غيبتك
حاير وخايف
حتى جراحك وسط قلبي مثل ماهي
في شفاهي باقي نفس الكلام اللي بقى آخر لقاء
مثل مانت يا حبيب الروح شايف
كل شيء مثل اللي كان
حالي طيب ....
هذا انت ...
كل ما ضاقت بي الدنيا تغيب
وكل ما ضاقت بك الدنيا تجيني
هذا انت ...
إن كساك الهم ... صرت أوفى حبيب
وإن نساك الهم ... تتباهى بأنيني
مثل مانت ...
دايم تجي بوقتك حبيبي
بعد ما وقتك يروح
يا آخردموعي وشجوني
وأول إحساسي جروح
ما بقى لي من عذابي يا حبيبي
إلا انت ...
هذا إنت يا حبيب الروح شايف
كل شيء مثل اللي كان
حالي طيب ...
يسعد صباحك يا حبيبي ...
هذا ضيّ الصبح؟؟
أو هو بعض نورك؟؟
هذا همس الورد؟؟
أو دافي شعورك؟؟
منهو مثلك ... في غرورك؟
جيت متأكد بأسامح ...
راسم الطيبة ملامح ...
ماهو بدري ... إنت تدري
ماقتل غيابك أكثر من حضورك
إيه كان الهم ساكن وقتي بعدك
بس أنا يا ضيّ عمري ...
كنت عودت الأماكن تألف غيابك وصدك
ياللي مايرضيني ضعفك ...
ما أدري أنثرفوق كفك أغلى دمعي؟؟
أو أردك؟؟
ومثل مانت يا حبيب الروح شايف
مابقى غير اللي كان ...
قلبي طيب ...
وحالي طيب ...
يسعد صباحك ...
كلمات رائعة نالت أعجابى