قصيدة عين الفضاء ...
حفنة تراب طاهر
نتيممه .......... لجل الصلاه
.............................. إن مالقينا ماء
والماء الأطهر .. لو تلاشى
كان ما نلقى حياه
.............................. ولا بقى أحياء
والغبينه
ال
.. غ
... ب
.. .. ي
.... .. ن
...... .. ه
لين جا طهر التراب
و .. حط يده
في يدين الماء الأطهر
........ وش بيظهر ؟؟
غير مارد ............. جا .. و قطب حاجبينه
وانمسخ
كل الطهر ........... واصبح و ح ل
والوحل ..
تعلق به اقدام السفينه
ثم تغرق .........................للأبد.
.
.
.
~ خذلان ~
ما بين جرحي .. واغترابي .. وهمي
وما بين حظي .. والوهم .. وابتعاده
جيت افتعل بسمة .. وجهي خذلني
نسيت كيف يكون وجه السعاده !!
ماعاد لي شف ب خل و غيره
مغنيني الله بالحزن عن عباده
ولاهوب أكبر همي احد حكا بي
كبرت عنه منطقي والوساده
.
.
.
~ سقوط إلى الأعلى ~
طاحت الشمس من عين الفضا
وانطفا عقبها نور القمر
والوفا كنز .. لكنه قضى
والزمن خان .. لكنه عمر
أزرع الخير والعمر انقضى
وما خبرت انني ذقت الثمر
من مشى حافي فوق اللظى
ما شكى لو غدى جوفه جمر
صاحبي لا تدور لي رضا
الرضا ضاع مثلي واندمر
ما تصورت طهر بك حضا
ينقلب خبث لعيون السمر
عقل الانسان ما يجهل قضا
والخطا منك وش ذنب الخمر
وش يبي القلب في قلب فضى
أسود اللون وعيونه حمر
للبدايات بالشر ارتضى
وللنهايات مدري وش ضمر
دونك الموت يكفي واعظا
ولو تبي .. مت .. تامرني أمر
يمكن الشمس ترجع للفضا
وألتقي بعد موتي بالقمر
قصيدة ثمان أيام ...
ثمان ايام يالظالم.. تمر .. ولا لكم شوفة !!
ثمان ايام معقولة تمر .. ولا لنا سيره ؟!
انا وعيوني وقلبي و يد و يد مكتوفة
تحرينا لكم انت .. ولسانك .. ولمعاذيره
تلعثم .. قال انا احبك .. وقام يعدد ظروفه
توقعته على العادة .. مثل ماعتدت من غيره !
يجيني .. طالب قربي ..يزبرق ساحر حروفه
والا من جد وقت الجد ؟.. قال إن توك اصغيره !
انا ما خفت من هاجس خداعه .. لكن الخوفه
لو أتجاهل ب نيه صافيه..؟ باموت بالحيره
نشدني .. (- يا بعد عمري - وراك اليوم ملقوفه ؟!!
بعد بكره يجيك العلم ... والله يكتب الخيرة )
أعرف اني وفية لو زمنا جارت صروفه
واعرف انه وعدني والوعد وياه تفسيره
وصاروا عشرة ايامه... سنين تحتري شوفه
وانا لليوم ما حاولت اجيب لخاتمي سيره