قصيدة ضحك وطريق ...
بأكون بخير ...
لا تقلق
بأكون بخير
وبأتذكرك .. ياخلي
بعد بالخير ...
وحتى لو
تشوف الحزن بعيوني
تعدى موطني و كوني ...
تراني بخير
لا تقلق
تراني بخير ...
وش اللي صار حتى ما أكون بخير ...؟؟
ولا حاجه ...
.
.
.
سوى إني صرت محتاجه ...
أكون بخير ...!!
ويعني لو
أغص بعبرتي والا
أموت بحسرتي .. يا خل
وش بيصير ؟
أبد عادي
.
.
.
ولا اهتميت ب جروحي ولا فيني ...
قسم بالله
يا خلي ...
ترى عادي ...
يجيني وش يجيني
ما نطقت الآه ...
لا بالله
ولا بي من يواسيني
مدام اني
أنا .. من خانت التعبير ...!
يا خلي
وش بيصير
اذا صار الألم زادي ...
ورحت بدون ميعادي ؟
بأفسرها مثل حبك
ولا بألقى لها تفسير ...
جروح الحب يا خلي
هم اولادي
أحد يزعل من اولاده ؟
أنا ماظن !
لكني
اذا تغربت ف بلادي
أروح لمن !!
ياخلي ...
أروح لمن ...؟
وأمسي مين في ليله :
مساء الخير ...
و لي غنى مواويله
و له تقدير ...
ولا يمكن
يهنيني فأعيادي
سوى حبه ...
وانا طبه ...
وانا فجرية اعياده ...
أجل يا خل ..
من اللي بعدها بآظل
أتذكر
وأعد وأنتظر وأحسب
بقى كم يوم
يا خلي
لذكرى عيد ميلاده ؟
وكيف اهرب
من احزاني
وانا من وين ما أهرب
ب ألقاني ...!
ويلقى حزني بلاده ...
وكيف آعيش فالعالم
وانا ما أملك الا ذكريات الحب
في خاتم ...
وسجاده ...
و ملح أحمر !
ودولابي ... ومكياجي
و عود ناحل أسمر ...
وبرج أحسبه عاجي
و زهرة لوتس .. وحلم
صحى والكون متدمر !
وش باقي ..؟
فقط لا غير
أنا يمكن ../.. وأشواقي
وبعض اشعار معتاده ...
؟
؟
؟
وبس تدري ؟
أبد عادي ...
وش بيصير
الى من ضاعت سنيني؟
عمر فاني ...
بأعزي تربتي فيني ...
وما جاني ؟
أبد .. تكفير ...
وذي عاده ...
انا من وين
يا خلي
بأشوف الخير ...؟
و لي عشرين عام
كلما جتني بشاير خير
.
.
.
خذاه الطير ...!!
خذاه الطير يا خلي ...
خذاه الطير ...
وش تفرق ؟
إذا شمسي
تدور في ظلام الروح عن مشرق
ولا تشرق ...
ولا تمسي
ولا تفرق ...!
بأكون بخير ...
لا تقلق
بأكون بخير
.
.
.
كل ما يلقى الفرح يمي طريق
.................... لا لقى وجهي ..؟.. تكدر وانتحب ...!!
كن ( عيني ) صارت ف ( همي ) بريق !
.................... وكن جوفي نار وضلوعي حطب
والعشق ماهوب من حظ العشيق
.................... وش لقينا من وراه إلا التعب
لا لقينا صدق محتاج ل صديق
.................... والهنا لا ذاق وعد ولا شرب
وما يطيح الورد من ثقل الرحيق
.................... ما تشوف الأرض تمسك بالخشب ؟
بأسهر الليله بلا ليل ورفيق
.................... دام غصن التوت ما طال العنب
مجرم الأحلام من نومي طليق
.................... وهاجس السجان في همي لعب
رحت ابطفي بالبكا نار الحريق
.................... واثرني طفيت عيني باللهب !!
صاحبي ما عاد لي نفس تطيق
.................... وماعلى المحروم من نفسه ...عتب
إنثر ادموعك علي ..( ودي أفيق ...
....................... وادري إني مت ..).. طالبتك طلب
ليتها بس جت على كوني يضيق
.................... البلا ضاقت عظامي يا عرب !!!!
الحياة اليوم ما تسوى شهيق
.................... كنت أبحيا .. بس.... ربي ما كتب
وكل ما ينسد في وجهي طريق
.................... تضحك الفرحة علي .. بلا سبب ...؟!
.
.
.
.
.
.
.
.
.
.
.
.
.
.
تشوف شلون
يا خلي
فراقك غير ...!
.
.
.
أجل وشلون
تطلبني : أكون بخير ...؟!
.
.
.
أ
ك
و
ن
.
ب
خ
ي
ر
.
.
.
!!!
.
.
.
.
.
.
ويعني بس
هذا اللي
تبي مني
وتطلبني ...
ألا يا خل ...؟
.
.
.
وكني بك تجاوبني :
فقط لا غير ...
.
..
...
..
.
فقط لا غير ...!!
.
.
.
أبد إبشر ...
تطمن يا معذبني ...
تراك ب حل ...
.
.
.
تراك بحل لو قالوا : حبيبك مل ...!
وانا ادرى الناس
في طبعك ...
ملول وتعشق التغيير ...
يا خلي
ولا تنلام ...
ذا طبعك
وانا دلوعتك واعرف
طباعك زين ...
وانا اللي كنت أقرب لك
من اقرب شخص من ربعك ...
تبي تسكت .. أنا أكمل ...
ولا تخبي ...
أبتحمل ...
وأكون بخير …
ما قصرت
لا يا خل
.
.
.
لا تسكت
ولا تخبي ...
تطمن
واحلف بربي ...
.
.
.
بأكون بخير ...
يا حبي
إذا انت بخير ...
.
.
.
.
.
.
.
.
.
.
.
.
.
.
عساك بخير ...
قصيدة قولوا وراي ...
قالوا إن الحب أعمى .. قلت اجل قولوا وراي
الله ايقدي لحب ما لمس دمعة حبيب !
والله اني كل ما غمضت اشوفك في عماي
ولا فتحت عيوني ؟ اتعامى وانا اشوفك تغيب
صح انا سلمت نفسي مرغمه.... بس ب رضاي
هيكل كله جروح و خاف من مشرط طبيب
رحت اسولف لك عن اشواقي ولا كنك معاي
قمت اسولف لي عن اوجاعي واقول الشوق عيب !
جايز ان الحب ضربة حظ مأختارت سواي
مير انا ما قد خبرت الظن في حظي يخيب
واكتشفت ان القمر ما له مقر في سماي
والبحر طفى لهيب الشمس في وقت المغيب
وأدري ان الهم ما ينصاني الا من غلاي
الفرح ياما تحضنته و حس انه غريب !!
ومن حكى عني بوجهي .. وش رجى منه قفاي؟
ولا ابعدت عني حياتي ؟.. وش لو ابيبعد قريب
ما لقيت بهالخلايق حي ... يستاهل هواي
قلت اجرب .. يمكن القى لي مع الموتى نصيب !
وارسل آهاتي قصايد تنقل ل نفسي عزاي
ومارجع لي من ورا شعري سوى زود النحيب !
دامني وكلت ربي .. مأنتظر منك جزاي
سامح الله كل قلب ممتلي جود و طيب !!
وقالوا إن الحب أعمى .. قلت اجل قولوا وراي
لا سقى الله حب ابصر .. ليلة ا فراقه حبيب