إيه يا قلم
ارسم حروفك ع الورق
نبض لقلوب فيها الأنين
وانزف همـومـك ع الوتـر
تعزف بشوق موال حزين
في الليل بيصـرخ يا وطن
ينده بصـوت يحيي الحنين
يدخل قلوب متشرنقة
يوصل صداه عبر الزمن
يلمس نفوس متشوقة
ويسيب أثر
زخــة مطر
تروي الحيارى العطشانين
يا هل ترى
سامع ندايا وشكوتي ؟
مرت سنين
وانا لسه غارق في الشجن
بين الدروب
وباداري حيرتي ولهفتي
وأنا الغريب
سكنت عينيه نظرة ألم
وخيوط أسى ف لحظة هروب
ودموع ندم
نسجت لقلبه ميت كفن
دفعت تمن
حلمه اللي ضاق
ويا المحن
آه يا وطن آه يا وطن
آه يا وطن