ساحة القصر كما يوجد العديد من الحمامات التركية ونوافير المياه داخل القصر معرض الفسيفساء داخل حديقة القصر الكبيرة المنوعة بالازهار والورود وهلا وصلنا على قصر موسى المعماري الشهير ورسوم الدخول 5 - 7 دولار القصر هيدا له قصة غريبة عجيبة هيدا القصر صاحبو بناه لوحدو حجرة حجرة لحتى عملو قصر كبير بيقول صاحب القصر انو كان يضل يحلم انو يكون عندو قصر من وهو عمرو عشر سنين ومرة من المرات كان بالمدرسة والمدرس عم يشرح الدرس وموسى ما كان مركز بالدرس قام اجا الاستاذ لعندو وقالو ليه مش عم تدرس متل رفقاتك قالو موسى انا عم بعمل شي اهم من الدرس ! عم برسم قصري قالو الاستاذ شو عم ترسم قصرك يا شحاد ؟ ليه انت من وين الك قصر انت فقير وبيك فقير قام هون موسى صار عندو إرادة وعزم انو بس يكبر يبني القصر هيدا وبالفعل هيدا يالي صار موسى كبر وبنا القصر وساعدو في بناء القصر مرتو واصحابو المقربين وليكون عمل موسى عبرة لناس عملو قصر سياحي وكل يوم احد المدارس والجامعات بيعملو رحلات على القصر هيدي وبيخدو معهم الطبل والمزمار وبيعملو حفلات طلاب وبيرقصو الرقصة اللبنانية المشهورة : الدبكة اللبنانية على اغاني الميجانه والدلعونا وعلى فكرة موسى ما اكتفى بانو يبني القصر وبس وكمان طور في كتير من الداخل والخارج وعمل متحف فلكلوري من دمى الشمع داخل القصر بتمثل العوائل اللبنانية القديمة ورجال الدين والسياسة وكمان الدمى هيدي من صنع ايد موسى وبتتحرك على الماي