[موناليزا]

حب الاموات

السلام عليكم ورحمة الله وبركاته


اليوم بدي احكي قصة خيالية وغريبة وبتخوف شوي، في بنت حلوة ومتل القمر شقرا وعيونها لونهم ازرق ، في ليلة من هالليالي البنت كانت نايمة بسريرها قامت من نومها عطشانها وراحت تشرب كاسة مي وكان الجو شوب كتير سمعت حركة ورا شباك المطبخ حاولت انها تشوف مين ورا الشباك لكنها ما لحقت تشوف ورجعت نامت، وباليوم التاني بالليل كانت بغرفتها بتدرس بوقت متاخر لانه عندها امتحان سمعت حركة ورا شباك غرفتها ، صار عندها حب الفضول انها تعرف مين ورا الشباك، طلعت على رءؤوس اصابعها وشافت شب ورا الشباك حطت ايدها على كتفه وحكتله مسكتك، الشب لف وجه وهي شافته وخافت وصرخت وبعدت عنه،الشب كان مصاوب بقلبه ولسا الدم على ملابسه ، حكا الشب ما تخافي انا ...... حكتله انت شو ؟ ومين؟ حكالها انا شب ميت والقدر انه التقي ببنت من الحياة. البنت تفاجأت وحكتله انت ميت.. حكالها للاسف بس شو اعمل هاذا قدري . البنت اطمنت للشب وحست انه انحرم من الحياة ، و قربت من الشب ومسكت ايده حست ببرود الاصابع وحاولت انها ادفي اصابعه مع انه الجو دافي ، وحكتله شو قصتك.. حكالها انا كنت احب صديقي وغدر في وقتلني بطعن سكين في قلبي علشان حبيبته كانت تحبني انا وانا لا ، بعدها البنت راحت على المطبخ علشان تجيب اكل وكاسة شاي . حكالها انا ما باكل ولا بشرب، حكتله طيب وين بتنام ، حكالها بالمقبرة ، حكتله ممكن تنام الليلة هون عندي غرفة تانية، انا اهلي مسافرين ماتخاف، وافق بس هو ما بنام بظل صاحي ، نامت البنت وهو لا ، الصبح راحت على الجامعة وهو كان نايم ، بليلة من الليالي البنت كانت بدها تعرف وين بنام الشب وراحت على المقبرة بالليل ، كانت خايفة ، سمعت صوت بخوف كتير اممممممممممممممم ، اووووووووووو ركضت وقعت على الارض، شافت 3 اموات بخوفو ومشوهين واحد رجله مقطوعة والتاني مدبوح من رقبته ولسا السكينة جواها، والتالت ايده مقطوعة ، صرخت بصوت عالي ، الحقوني ...... سمع الشب صوتها وحكا شو جابها هون وركض يشوف وين هي وليش بتصرخ ، وصل لعندها وشاف 3 اموات بدهم يدبحوها ، وبلش يضرب فيهم وخلص البنت من شرهم ، واخدها على بيتها ، وحكالها ما تروحي هناك مرة تانية ، وصارت البنت تحبه كتير ويطلعو بالليل يكزدروا ، وكانهم عشاق الليل ، وفي يوم من الايام , كانت البنت رايحة على جامعتها وهي بالطريق بتتمشى سمعت اطلاق نار ، كانو عصابات مع بعضهم بتقاتلو، وهربت ولكن قدر الموت كان اسرع من هروبها، وسقطت على الارض واجت الاسعاف وحملتها وهناك ماتت بالمستشفى ، والشب كان نايم بقبره وحلم انه البنت جاية عنده ولابسة ابيض ، ومدت ايدها ومسك ايدها وقام من االنوم وشاف انه حبيبته ماسكةايده ، وابتسمتله وحكتله انا رح اظل معك وهاد بيتنا المقبرة ، وبعدها ضمها على صدره وعانقها ، وعاش حبهم في مقبرة الاموات.......... ارجو ان تنال اعجابكم