فسحة على السريع في شوارع القاهرة والجيزة والمعادي توكلنا على الله ومع أول صورة وهي لمسجد السلطان حسن بالقلعة ومن هناك هانروح على منطقة الحسين وقبل ما نترك منطقة الحسين هاعزمكم على فنجان شاي على قهوة الفيشاوي بخان الخليلي محدش له دعو بالسيجارة دي التدخين ضار بالصحة يا نااااااااااااااااااااس خليها ديكور بس واحنا لسه مع المساجد الأثرية هانروح على مسجد السيدة زينب نزوره بالمره وهانروح على منطقة الكورنيش بس هانفوت على ميدان التحرير وفي الصورة يظهر مجمع التحرير وجامع عمر مكرم وميدان التحرير واللقطة التالية من على كوبري قصر النيل ودي المحكمة الدستورية العليا بكورنيش المعادي ومن المعادي هانطلع على شارع جامعة الدول العربية ومن هناك على المهندسين على طول ومن المهندسين ها نروح منطقة العجوزة على الكورنيش باتجاة شيراتون الجيزة وده منظر خطير من اعلى فندق الشيراتون وهانطلع على كوبري 6 أكتوبر وده فندة حياة ريجينسي في المساء وفندق الـ four seasons المطل على النيل وهو من الفنادق الحديثة وهانطل على أحلى نيل في الدنيا ومنظر رائع للنيل وفندق شيراتون الجزيرة ويظهر كذلك معه البرج ومبنى ماسبيرو ووزارة الخارجية والأوبرا ها أكيد تعبتم من اللف والدوران وأكيد جوعتم الآن أنا عازمكم على بيتزا في شارع جامعة الدول العربية في مطعم من المطاعم الكثيرة هناك والآن أترككم مع وعد بنزهة نيلية خلابة في القريب صدقوني هادوخكم معايا