هذه القصيدة وأثرت بنفسى قلت انقلها لكم
أستمعوا لها للشاعر الكبير ( ضيدان بن قضعان)
[youtube]ufzp0p1ypxm&feature=related[/youtube]
فمان الله يا أول من سكن بين الضلوع العوج...
عسى دربك سفير وعسى الله مايخليني
توكل لاتوادع رح عسى درب الجفا المسهوج...
يصادف درب فرقى عقبها ماتلمحك عيني
سمحت من الهوى ومن القصيد ومن زراق الموج...
ورميت اغلى المجاديف الغرام وجيت بيديني
أبغرق في عذابك لارحلت ويصبح المنتوج...
قصيدة في حياتي سلوتي وإن مت يرثيني
وذا هبن بنات الريح للذكرى بدون سروج...
أبسرج مهرة النسيان وأرحل من عناويني
وبنسى لين أسج وبرسل الونات فوج فوج...
وبنسى دمع عيني ينتثر وبنساك من حيني
صبور؟ إيه والله إني ماثنيت العزم قبل أدوج...
بريضان الجفا وأظما لوصلك لين تسقيني
شجاع؟ إيه والله إني ماعرفت الشح قبل تروج...
دموعي في عيوني ثم أشح في حسرتي فيني
أحبك؟ حسبي الله ليت ماللك في سماي بروج...
ولا لك بالبسيطة كود شي بينك وبيني
دخيللك لاتلتفت رح بفاللك واترك المجروح...
تغانم مابقى لك ولا انا ماعاد يمديني
فمان الله سق ركبك على درب السنين العوج...
ولكن طالبك لا أقفيت عني لاتخليني
أتمنى ان تنال رضاكم