وهذه صورة للدكتور فاروق الباز من موقع التدريب ممسكاً بكاميرة ليدرب رجال الفضاء على زاويا التقاط الصور على سطح القمر. لو فرضنا أن علماء وكالة ناسا أرادوا أن يكذبوا (كما يقول البعض) فإن هذه الكذبة ينبغي أن يشترك فيها ألف إنسان على الأقل، طاقم المركبة، والمهندسين المشرفين على تصميم المركبة وإطلاقها ومراقبتها، وفريق العلماء والباحثين المشاركين، وكذلك علماء وكالة ناسا بالكامل، كذلك يجب أن يشترك في الكذبة وسائل الإعلام لأنه كما نعلم لا يمكن لعالم أن يخدع زميله بهذه السهولة. Mission Control during the Apollo 11 EVA هل تتوقعون معي أن آلاف العلماء في وكالة ناسا ووكالات الفضاء في العالم يتآمرون من أجل ماذا؟ كذلك ينبغي أن يشارك في هذه الكذبة السياسيون والموظفون العاديون الذين يعملون على تشغيل المركبة والأجهزة على الأرض وغير ذلك من التجهيزات. والأهم من ذلك كيف ضمنوا أن كل هؤلاء الناس حافظوا على خداعهم مدة 38 سنة! ولو صدقنا بأن وكالة ناسا تخدع الناس فمعنى هذا أنه يجب علينا أن نشك بكل علم الفلك اليوم وهذا أمر مستحيل. وسؤالنا لماذا لم يعترض العلماء الروس وهم الذين كانوا في حالة سباق وحرب مع أمريكا؟ ولماذا لم يعترض علماء الصين واليابان ووكالة الفضاء الأوربية وغيرها من وكالات الفضاء في العالم، لاحظوا يا أحبتي لا توجد وكالة فضاء واحدة في العالم تعترض على هبوط الإنسان على سطح القمر، فقط الذين يعترضون هم قلة من العلماء والهواة. لماذا لم نرَ أحداً من العلماء اعترض على الرحلات التي قامت بها وكالة ناسا باتجاه المريخ وهو أبعد من القمر بمائة مرة على الأقل؟.. ونقول أيضاً: لو كانت أي وكالة فضاء تستطيع تسويق كذبة كهذه لرأينا في كل يوم ادعاءات كثيرة وما أسهل أن نرى من يدعي أنه استطاع الخروج خارج المجرة، أو السير بسرعة تفوق سرعة الضوء وغير ذلك مما هو من المستحيلات العلمية. وأفضل من يرد على مثل هذه الادعاءات هي وكالة ناسا نفسها .. واليكم الرابط التالي لموقع ناسا في الرد على المتشككين : http://science.nasa.gov/headlines/y2001/ast23feb_2.htm وماذا عن العينات ويقول كبير علماء وكالة ناسا الدكتور McKay إن تزييف صخرة واحدة وجعلها تبدو مثل صخور القمر أصعب بكثير من الهبوط على سطح القمر! لقد فُحِصت العينات التي جاء بها رواد الفضاء من قبل آلاف المختبرات في دول العالم، ولم يدَّع أحد من العلماء أن هذه العينات غير مأخوذة من القمر. وهناك مخبر تابع لوكالة ناسا مخزن بداخلة عينات كثيرة من صخور وتراب القمر (مئات الكيلوجرامات)، وقد اطلع عليها آلاف العلماء من دول العالم، فمن أين جاءت هذه الصخور والأتربة القمرية؟ ويمكن الرجوع لموقع المختبر. http://curator.jsc.nasa.gov/lunar/index.cfm ومشاهدة العينات وكافة الدراسات العلمية والمخبرية والتي أجريت عليها, حيث أن التحاليل التي أجريت عليها أثبتت أنها كلها ليست من جنس الأرض الأمر الذي أدى معه إلى هدم النظرية القائلة بانفصال القمر عن الأرض والتي تم الترويج لها كثيراً. ولمشاهدة العينات كاملة ادخل على الرابط التالي:http://curator.jsc.nasa.gov/lunar/cores.cfm شاهدوا الرحلة بتتابع الصور لحظة بلحظة على موقع ناسا التالي: http://www.nasa.gov/mission_pages/apollo/index.html وإليكم برنامج العلم والإيمان للدكتور مصطفى محمود العلم و الإيمان - النزول على القمر 4/1 http://www.youtube.com/watch?v=JJzd9sCSBFA&feature=related العلم و الإيمان - النزول على القمر 4/2 http://www.youtube.com/watch?v=wHls7VXkKio&feature=related العلم و الإيمان - النزول على القمر 4/3 http://www.youtube.com/watch?v=I_c5pmcQaec&feature=related النزول على القمر 4/4 http://www.youtube.com/watch?v=bfuN33OOgOY&feature=related وإليكم بعض من حديث العالم المصري الدكتور فاروق الباز - مدير مركز أبحاث الفضاء في جامعة بوسطن تاريخ الحلقة: 23/07/2001 نوان الحلقة : موعد في المهجر عمله في وكالة ناسا المعلقة: جواب رقم (121) يبعثه الدكتور فاروق رداً على إعلان للمحطة الفضائية (ناسا)، إذ كانوا يبحثون عن خبراء جيولوجيين مختصين بدراسة القمر، لم يكن التخصص مجاله، لكن الحاجة للوظيفة لم تترك أمامه الخيار، ودهشته كانت كبيرة عندما جاء الرد بالإيجاب وبعرض فوري لاستلام العمل. [د. فاروق الباز: رحت وبعد.. قعدت أقرأ هم بيعملوا أيه وعايزين أيه والناس عايزين أيه، وبعدين واحد كان بيشتغل في واحد جيولوجي في نفس المجموعة اللي أنا فيها وقال لي: الشغلة دي زي الزفت إحنا بنقرأ تقارير.. بنقرأ تقارير وبنيجي بنلخصها ونديها للرؤساء، نقرأ تقارير ونلخصها ونديها للرؤساء، اللي إحنا فيها دياً، شغلة زي الزفت وخلاص أنا عايز أمشي من هنا وكذا كذا. فسكت وأنا لسه -يعني- لسه واصل، فالمهم قلت أنا أقرأ التقارير زي ما بيقولوا فين التقارير بتاعتك وأنا أقرأ لك أنا ألخص لك أنا. إداني شوية منهم عشان أقراهم لقيتهم حاجة تقارير بديت أقرأ ولخصت وإديت له. المهم سمعت منه إن الجيولوجيين هيعملوا اجتماع.. الجيولوجيين بتوع (الناسا) كلهم هيعملوا اجتماع في واحد من مراكز (ناسا) فقلت له: ممكن أروح؟ قال لي: آه، روح أنت، أنا مش عايز أروح. قلت له: أروح مكانه يعني، رحت فكان 3 أيام الاجتماع، لقيت القصة كلها إن الجيولوجيين بتوع ناسا دول اللي هم كان عندهم 25 جيولوجي.. فاهمين الدنيا كانوا بيشتغلوا على حكاية القمر دي بقالهم من سنة 60، يعني بقالهم سبع سنين فاهمين القصة ومعظمهم واخدين.. واخدين دكتوراه في الحكاية دي فلقيت إنهم كل واحد منهم بيقف بيتكلم على فوهة أو جبل أو حاجة منخفضة على سطح القمر، أو قبة من (التضاريس) وينزل يقعد، كل واحد ياخد ساعة يتكلم على حاجة ما، أول يوم كده مشي كله من 9 لـ 5، تاني يوم من نفس القصة، تالت يوم نفس القصة، في تالت يوم أنا قاعد معايا راجل أنا ما بقيتش عارف ما بقيتش عارف راسي من رجليه في الكلام اللي بقولوه ده، يعني مش فاهم القصة مش عارف أربطها، فقلت أنا أسأل حد يمكن عندهم كتاب أو بحث أو حاجة.. عمل تقسيم عشان أفهم هم بيتكلموا على أيه، فراجل عجوز كان جنبي، قلت يمكن ده راجل طيب إكمنه [لأنه] عجوز هيسمع يفهمني يعني قلت له: فيه كتاب أو مجلة أو مقالة عن كل أنواع التضاريس في القمر ومكانها؟ قال لي: يعني أيه؟ قلت له: يعني تقسيم لتضاريس القمر وموجودة فين. قال لي: ما إحنا عارفين هم أيه وهم فين، قلت أخرس، هم عارفين أنا لازم أعرف. المعلقة: تجنباً للإحراج ورغبة منه في المعرفة يتوجه الدكتور فاروق إلى المكتبة على أمل أن يجد هناك أجوبة على تساؤلاته. د. فارق الباز: رحت دخلت الباب، فتحوا لي الباب وادوني مفتاح، لقيت صور متكومة في النص وعليها تراب وبلاوي، رحت للراجل بتاع المكتبة قلت له: عايزين ننضف الصور دي، أنا عايز ترابيزات عشان نرتبها، عشان نحطها كل.. الصور متاخدة من أمتى وأي يوم، قال لي: ما.. على مين.. على طول. خدت الصور دي كله قعدت أنضف في التراب اللي عليها وأرتبها وأحط الأرقام أحطها بالأرقام بتاعتها كلها، ورتبتهم وجبتهم خد مني الحكاية دية حوالي 3 أيام كاملة بس أرتب الصور، من 9 الصبح لـ 6 بالليل، وبعدين خدت الصور دي كلها، قعدت آخدها واحدة.. واحدة أبص هي فيها أيه وآخد كارت كده صغير 3×5 بوصة واكتب الرقم بتاع الصورة وفيها أيه وأحطها، وآخذ التانية أحطها. بعضهم خد بسيط يمكن ياخد مني 5، 6 دقايق وبعضهم يمكن ياخد ساعة على ما أفسرها وأشوف فيها أيه وكذا كذا. المهم.. الصور دي كلها واحدة.. واحدة ودي كانت جميع الصور اللي خدوها للقمر من محطة قمرية قبل الرواد سنة 65 و66، كان فيه 4322 صورة فكان عملت لنفسي 4322 ورقة عن الصور دي. جهوده ودوره في هبوط أول إنسان على سطح القمر المعلقة: لثلاثة أشهر كاملة يصب الدكتور فاروق جميع طاقاته على دراسة الصور المنتقاة لينتهي بنتيجة مذهلة: خريطة لسطح القمر و 16 موقعاً أساسياً لهبوط السفينة، اكتشاف يضعه فوراً على قائمة المتحدثين في الاجتماع الدوري. د. فاروق الباز: في الاجتماع اللي بعده على طول زي ما الناس بتقوم بتقف ساعة وتدي القصة بتاعتها، فأنا وقفت وخدت البتاعة بتاعتي والصور وقعدت أقول لهم القصة بتاعتي دي، عجبتهم القصة في الكلام وأخذ الكلام ورايح وجاي وبدؤوا يسألوني أسئلة، الأسئلة خدت لها كمان ربع ساعة زيادة عن الوقت، في وسط الأسئلة، الراجل العجوز اللي كان قاعد جنبي المرة اللي قبلها قام وقف، وقال: أنا عايز أقول لكم إن الراجل الصغير اللي واقف قدامكم ده -مش عارف اسمي حتى بعد ما قدموني.. لما كنا هنا المرة اللي فاتت سألني: هل فيه كتاب أو بحث فيه تضاريس.. تقسيم لتضاريس القمر ومكانها؟ وأنا قلت له: إحنا عارفين هم أيه وهم فين، بس أنا عايز أشكره على الملأ عشان هو فهمني إن إحنا لا كنا عارفين هم أيه ولا هم فين.. وراح قاعد. المعلقة: خلال فترة قصيرة يتحول دكتور فاروق من مجرد موظف مجهول إلى سكرتير لجنة اختيار مواقع الهبوط على سطح القمر، ثم وبدفعة أخرى من حماسه العلمي إلى رئيس لفريق تدريب رواد الفضاء في العلوم والتقاط الصور، بعد أن صب جهده لإقناعهم بضرورة جلب عينات من سطح القمر إلى ارتقاء بمهمة (أبوللو) من سباق سياسي بحت غايته الاستجابة إلى أمر رئيس الدولة إلى رحلة استكشاف علمية. د. فاروق الباز: أهم شيء في مشروع أبوللو هو إن كانت مجموعة صغيرة جداً من الناس اللي مسؤولة عن كل شيء، بس بالنسبة لهم كان أبوللو حياتهم، إحنا كنا نقول: أبوللو هو الملك، أبوللو ملكنا لا.. لا يعلو عليه أحد ولا يأتي قبله شيء. فكان فيه ولاء رهيب وكانت الناس كلها بتشتغل يعني إما كنا نفكر في عملنا كنا نفكر إن إحنا محظوظين للغاية إن إحنا سمح لنا إن إحنا نشارك بهذا الجهد، لأن إحنا بنعمل حاجة بتحقق حلم الإنسان، من يوم أن خلق الإنسان على الأرض ينظر إلى القمر بانبهار ويتعجب، ويتفكر، وإحنا الآن فينا، في إيدنا فرصة إن إحنا نوصل الإنسانية كلها إلى القمر لنتعجب سوياً. في أول هبوط على سطح القمر كان هناك -ليس فيه من شك- رعب كبير جداً بالنسبة إلنا إحنا شخصياً، أولاً كان عندنا صداقات مع رواد الفضاء، ثانياً: إحنا كنا عارفين إن إحنا عملنا تفسير لكل ما رأيناه في الصور على سطح القمر نتيجة لخبرتنا بسطح الأرض، فهل ياترى كل شيء هيبقى تمام يعني. أول ما (نيل أرمسترونج) بص وشاف إن هو نازل لقى نفسه لو ساب السفينة تنزل كما هي هتنزل في النص فوهة، نتيجة لارتطام النيازك والشهب والفوهة دي مليانة جلاميد من الصخور تبقى مصيبة، يعني ممكن السفينة تنقلب أو ما تهبطش خالص، فهو بدل ما إنه يخليها تمشي زي ما هي راحة في سكتها أخذ في إيده العملية وقعد يبعدها ونزل وإحنا عارفين إنه عنده كمية محدودة جداً من الوقود فهو زميله قعد يحكي له، يقول له: الوقود اللي فاضل كذا، ويقول له كام ثانية فاضلة، الوقود اللي فاضل كذا وكام ثانية وإحنا قلب.. كل قلوبنا بقت هتتوقف، ليه؟ لأن إحنا عارفين إن هو الوقت بتاعه محدود، ولو كان وقفت السفينة والوقود وخلص وهو لسه عالي هتتدش والاتنين يروحوا، الاتنين يموتوا، ونزل السفينة بفن رهيب وفاضلة فيها 6 ثواني وقود. المعلقة: "خطوة بسيطة لإنسان وقفزة عظيمة للإنسانية". كانت هذه هي أول كلمة قالها (نيل أرمسترونج) عندما خطا خطوته الأولى على سطح القمر وقد حمل معه صفحة من القرآن الكريم تكريماً للأستاذة، الرحلة توجت بالنجاح، وتلتها رحلات أخرى عمل فيها دكتور فاروق على تدريب الرواد في مجال الجيولوجيا وعلى توسيع قاموسهم العربي، حتى أن استطاع (الفريد وردن) في رحلة (أبوللو 15) أن يرسل من القمر تحية كاملة باللغة العربية حين قال. د. فاروق الباز: مرحباً أهل الأرض، من عندنا إليكم سلام. والآن إليكم الفيلم الفضيحة نيل أرمسترونج وخدعة أمريكا العظمى,Neil Armstrong http://www.youtube.com/watch?v=1flmpTvURNw في هذا الفيلم تجد المعلق على المشاهد وكأنه قد أتي بما لم يأت به الأوائل فراح يعلق على كل صورة ليثبت أن الفيلم تم تصويره في استوديوهات هوليوود..ونحن معه نؤيده في ذلك ولكن بدلاً من أن يجهد نفسه في كل مشهد كان عليه الاكتفاء بالمشهد الأخير والذي لم يشر إليه إطلاقاً.. أتعرفون ماذا يوجد به؟.. أثناء أخذ صورة تذكارية للقائمين على العمل في نهاية الفيلم اقتحم عليهم جدي ـ ذكر الماعز ـ وأفسد عليهم تصوير المشهد والذي أعادوه مرة أخرى..