[نور]

مدينة من العصافير

أطباعه مؤثثـة بالغرابـة ..

ما بين جرحه والمــاء ..

تنبت الأزهار ..

:

ما بقالي ليل يالقلب الحنون
لو بقالي ليل والله لأسهــره









إنزفـي دمـع المـفـارق .. يالعـيـون = مـا بقـى بالعـمـر .. شـي ٍ نخـسـره

أرخي أهدابـك .. وجـــودي يالجـفـون = وامطــري .. مثـل المـزون الممـطـــره

عـّــبري لي عـن حنانـك .. والشجـون =مـا يفيــــد الـدمـع مــن لا ينـثـره

خانـت الدنـيـا .. وخانتـنـا الظـنـون = ولا بقـى بالحـــــــب .. سـيـف ٍنشـهـره

يـوم راح الزين زادن الطـعـــــــــون = والـعـزا بالقـلـب .. والله يجـبـره

والله إن البعــد عنـدي مــا يـهـون =ووالله إن الـوقـت مـاحـد ٍيـقـدره

مـا بقالـي ليـل يالقلـب الحـنـون = لـو بقالـي ليـل .. والله لا أسـهـره

ودام راح اللـي علـى قلبـي يمـون = مـا بقـى يـا عيـن حـزن ٍنسـتـره

لا ذكـرت عيونـه اللـي مـا تخـون = قلـت يااااربـي .. بخيـرك تذكـره

مـن غرامـه بيـن عقلـي والجنـون = أنهبل لو زدت .. بالعشـق شعـره

المحاسـن .. /والمفاتـن/ .. والفـنـون = والعـجايب كلـّـها .. فــي منـظـره

يـا عيون الظـبي .. يا ذيك العـيون = يا شروق الشمس .. يـا لـون ثغـره

يا إحمرار الورد .. يا عطر الوجـون = يا سـواد الليـل .. يـا لـون شعـره

يـوم قضّـه بيـن راسـه والمـتـون = خفـت .. لا يخفـى نهـار ٍبنـحـره

جامـح ٍمثـل السحايـب والـمـزون = لا إنحنى راسـه .. ولا مـال ظهـره

جامـع ٍمـن كـل شكـل .. وكـل لـون = / ولا تملّـه / .. كـل عيـن ٍتنظـره

إن حكـى .. تنسـاب عذبـات اللحـون = صوت عصفور ٍ .. على غصن شجـره

وإن سكت يا خاطري .. ساااااد السكون = وقمت أناظر فـي حـلاه .. ومظهـره

إنزفي .. دمـع المفـارق يالعيـون = وش بقـى بالعمـر شــي ٍنخـسـره ؟

دام راح اللي .. على كلّـي يمـون = ما بقى ياااااعين .. حـزن ٍنستـره

راقنى بشدة