[نور]

احب قنوات CBC اشتري 15 قناة مصرية في شهر واحد!







محمد الامين
كتبَ / احمد عباس- تصوير/صلاح سعيد

بعد ما اشترى مجموعة قنوات "النهار" الفضائية، دخل المستثمر محمد الأمين في شراكة مع مجموعة قنوات "مودرن" اللي عندها 3 قنوات، هي مودرن سبورت ومودرن كورة ومودرن حرية، وعندها كمان على الشاشة تردد قناة اسمها مودرن البيضا. وقال وليد دعبس صاحب قنوات مودرن السابق انهم دخلوا في شراكة مع الامين عشان يتم تطوير الشاشة ويقدروا يشتروا بطولات جديدة للمشاهد المصري . وكان المفاوضات علي الشراكة دي بقالها شهر تقريبا وانتهت بانهم وقعوا العقود رسميا اول امبارح واخد الامين نسبة كبيرة في مجموعة مودرن ممكن توصل لـ 85% وهي نفس النسبة اللي اشتراها الامين برضه في قناة "النهار".
ده غير انه دخل فى مفاوضات قربت تخلص عشان يشتري شبكة الأخبار العربية اللي بتملكها عيلة الخرافى الكويتية، ودخل كمان فى مفاوضات جادة جدا عشان يشتري مجموعة قنوات بانوراما اللي عندها 5 قنوات منهم بانوراما دراما الاولي والتانية وبانوراما كوميدي ده غير بتاعة الأفلام العربي والاجنبي ...وبكده لو اشتري الامين قنوات بانوراما ده حيكون معناه انه حيكون مالك 15 قناة مصرية في اقل من شهر ... ولكن هل ده معناه انه عايز يحتكر الاعلام المصري الخاص وليه وهل عنده مخطط معين ؟؟؟
خصوصا واننا عرفنا في الكواليس انه حيلغي البرامج الرياضية في قناة النهار وحيضمها لقنوات مودرن وكمان حيستغني عن سمير يوسف رئيس قناة النهار بعد الخساير اللي عملها في القناة وحيكون محمد هاني رئيس قنوات CBC والنهار واللي مش حيكون فيها برنامج رياضي واحد وحيضموهم كلهم لمودرن واللي حيعمل ليها ادارة جديدة وده بعد مايلغي منها قناة مودرن حرية لانها مش بتقدم جديد وكلها خساير .