وعليكم السلام اتفضل يا حاج بسم الله نبدأ اعزائى اهل صدفة اليوم نفتتح اول قلب بدون مشرط ولا عمليات ولا مستوصف ولا مستشفيات نفتح قلب صادق قلب طيب مخلص قلب امتعنا واحبنا واحببناة قلب يرسم البسمة ويضع الفرحة قلب نشتاق له اذا غاب ونفرح به اذا حضر القلب المفتوح دائما للجميع والصريح جداااا قلب العزيزة علينا جميعا مــــــــــــــــــــر مــــــــــــــــــــرية اجمــــــــــل مفتــــــــــــــــــــــ رية يا رافع من معنوياتى وبسم الله نبدأ فتح قلب مرمرية مرمرية نعم انعم الله عليكى مش هنفكرك انك هتتكلمى بصراحة ولا تجمل ولا مجاملات انت تعرف عنى كدة بردة يا ابو منون صراحة اية بس انى لا اكذب ولكنى اتجمل واعرفك ان ليكى الحق بعدم الاجابة على اى سؤال منتهى الحرية فى الاجابه من عدمها ديمقررررررررررراطى فلتحيا حموم الانسان ( اياكى مش تجاوبى على اى سؤال ) فاهمة؟؟ اعتنبر دة تهديد اولا اهلا وسهلا بسمة صدفة اكرم الله وجهة يا استاذ اكرم اتفضلى استريحى على الكرسى ده عارف انة عجبك مش تلعبى فية عشان دة عهدة لا ماليش دعوة انا ليا بية لفتين وبعد كدة هاجرة للاعضاء الثانية بورقة بمية لازم ننعنش السياحة كباية شاى يا ولد للمفترية وبالنعناع كمان عارف مزاجى انت يا ابو منون لا كدة اتسمخ بقى واقووووووووووول وعشان عارف طبعك وتواضعك وعزة نفسك اكيد مش هتتكلمى الا بسندوتش (طفاسة معهودة) ساندوتش واحد دة بخل هههههههه امال لو ما كنش اسمك اكرم كنت عملت فيا اية خلصى اكل عشان نتكلم دة ساندوتش يعنى بيتبلع بدون مضغ هههههههه تخدى شيكولاتة (مابتقولش لآ ابدا) الله الله الله لا يا ابو منون دة انت عارف مزاجى كلة عرفينا بنفسك لو سمحتى ماشى عيووووووونى بس تدفعوا كام هههههههه اكيد انا صاحبة الدماغ دى ممكن نتعرف بأسمك ان حبيتى/؟ مرمر بدون مفترية لحسن حد يفتكر ان اسم علتى المفترية عمرك اذا حبيتى/؟ طبعا احب اساسا دة فى بياناتى الشخصية يعنى العالم كلة عرف 25 سنة لسة بحبى هههههههه جنسيتك /؟ مصرى وابويا مصرى وامى مصرية والغريبة جدى كمان مصرى والاغرب اخواتى شوفوا اخواتى مصريين الحالة الاجتماعية/؟ عزبااااااااااااء ولا اعوووووووووووووووووول يعنى ما فيش حد مصدعنى ههههههههه اتولدتى فين/؟ فى مركز من مراكز محافظة الغربية عايشة فين الان/؟ فى نفس المركز سبحان الله بتشتغلى اية/؟ عندكوا وقت انا خريجة كلية العلوم يعنى انا واحمد زويل زملة واخدين بالكوا وعملت دبلومة فى التحاليل الطبية ولانى مش غاوية شغل وكسلالالالالانة جداجدا جدا مقيمة فى البيت الحمد لله مكان العمل /؟ البيت فصيلة دمك/؟ o عشان لو حصلى حاجة تتبرعوا ليا ولا اقولكم هاتوا الدم وانا ابيعة ههههههههه عرفينا على شخصيتك فى 270 سطر لا ما تصدقيش كفاية 3 سطور؟ انا قرتها 360 درجة قولت هو ابو منون عقلوا مع ام منون ولا اية ههههههه شخصيتى اكيد ما فيش حد كامل كل واحد فينا فية عيوبة ومميزاتة مش عارفة بس اصحابى بيقولوا ان دمى خفيف وانى طيبة والله اعلم هههههه وكمان مسمينى كاتمة الاسرار واكتر واحدة فى الدنيا بتسمع وكل مشكلهم بيحكوها ليا مع لنى مش دايما بخكى عن مشكلى الا بقى لو بعد الحاح انا بحب البساطة وعدم التكلف بحب انى اظهر بصورة مرمر اجتماعية جدا وباخد على الناس بسرعة ودة احيانا بيسبب مشاكل ليابس ولا بحط فى دماغى لانى دى شخصيتى مش عصبية بس لو اتعصبت ببقى غبية بسامح اللى يغلط فيا بس عمرى ما بنسالة انة اساء ليا فى يوم من الايام متفائلة وسعيدة معظم حياتى بس فية اوقات الياس والحزن بيخلونى عاملة زى اللى دايس علية قطار بكون من غير اى ملامح ولا حد بيستحملنى فى اللحظة دى لو فرحانة بيبان عليا ولو زعلانة بحاول اخبى بس بردة بيبان عليا فضاحية يعنى هههههههه دة اللى انا فكراة دلوقتى لو افتكرت حاجة تانية هاجى اسجلها على طول اهو اكتر من 360 درجة اهو اة نسيت اقول صفة تانية انى رغااااااااااااااااااااااا ااااااااااااااية جدااااااااااااااا ههههههه اللون المفضل ليك؟ لو كان حبيبك طور اسبلة احمر ههههههههه بموت فى اللون الاحمر بس مافيش حبيب الوردة المفضلة؟ البنفسج والورد الاحمر تحبى الكلاسيك ولا الكاجوال ؟ لا حسب المكان اللى ريحاة والنفسية فريق تشجعية ان كنت من هواة الرياضة؟ الاهلى الشياطين الحمر وعلى مستور المنتخبات مصر اولا وايطاليا ثانيا مارست رياضة معينة من قبل؟ اة طبعا كنت بلعب صلح مع العيال ههههههه وكنت بشارك اخواتى اللعب بالبلى ولعبت كمان كهربة شد الكوبس وحاولت اتعلم ركوب العجل وللاسف ماغرفتش رياضة العجل خسرت لغيب ماهر هههههههه ولانى زئردة صغننة كدة كنت بجرى جرى كنت بقطع نفس العيال ههههه يعنى لعبت رياضات كتيرة اوى نعايا مدليات عديدة فى الكلب الحيران هههههه وفكرتى فى الاحتراف ؟ هههههه اة طبعا نادى الحارة اللى جنبنا استعرنى لمدة يومين ورجعونى على طول ههههههه هواياتك؟ انا هوايتى دى عجيبة اوى كنت وانا فى الابتدائى بحب الكتابة وخصوصا فى السياسة وكان نفسى اكون سفيرة او صحفية وكنت بكتب قصص بس كدة توقفت الهواية دى بس رجعت دلوقتى على هيئة كتابة خواطر المال الحلال عمرة ما بيروح ابدا هههههههه وطبعا الهواية التانية الفرجة على افلام الرعب للاجنبى مدمنة انا وحاليا مش عارفة لية ضلربة فى دماغى اشتغل مذيعة او ممثلة اى حاجة بتطلع فى التليفزيون ان شاء الله اريل حتى ههههههه عدد اخواتك كام وترتيبك فيهم ؟ انا الكبيرة والبنت الوحيدة وبعدى تلات ولاد البيت ملغم بالرجال محتلين البيت عاوزة اطردتهم بقى هههههه اية ممكن يستفزك؟ ان حد يقلل من شانى او يتجاهلنى وكمان لو حد بيعملنى من منخيرة او بيكدب عليا او انى اتعامل مع انسان بارد ايه ممكن يبكيكى؟ يوووووووووووووووووة كتير انا دمعتى قريبة بغباء ممكن ابكى من كلمة وكمان ضحكتى قريبة ربيت لكاكا وبابا الجنان هههههههههه ايه يخليك تبتسمى؟ اى حاجة الحمد لله معظم وقتى مبتسمه بس اكتر وقت بكون فرحانة فية لو ربنا حققلى امنية بتمناها او انى احس ان ربنا راضى عنى او انى اكون قاعدة قاعدة فرفشة مع اهلى او اصحابى او انى اتسبب فى ان حد زعلان يضحك صفة تكرهيها؟ الاستظراف الخيانة الكدب والتكلف الغرور صفة تحبيها؟ ان الانسان يتعامل بطبيعتة الوفاء الاحترام الصدق امتى ممكن تكذبى؟ ههههههههههه يا اسئلتك يا عم اكرم لو اتزنقت فى حاجة ممكن لو اللى قدامى عرفها يزعل منى بتحب اية اكتر الصيف ولا الشتاء؟ الصيف انا اساسا بسقع بغباء يعنى بلم هدوم البيت كلة والبسها وبردة بفضل سقعانة وبروح اغلس على بابا وماما واخواتى واحط ايدى عليهم يقوموا يطنطتوا لانى ايدى ورجلى بتكون تلج شريرة انا ماما دايما تقولى الدم مش واصل ليهم معنديش دم كفاية ههههههههه تحب اية اكتر الليل ولا النهار؟ الليل بحسة هادى وبفكر فية اكتر ساكن قصادى وبحبة ....فهمانى طبعا ...كان فية ابن الجيران والحجات دى ؟؟؟؟ انا اساسا ماحدش من جيرانا يعرفنى وانا عمرى ولا فكرت فى ابن جيران ولا ابن مش جيران انا كان اللى يقولى بحبك بحس انة بيشتمنى لانى عمرى ما صدقت حد دايما فى دماغى ان الحب نور مش ظلمة ارتباط علنى مش انى ارتبط بواحد بينى وبينة وخلاص فاكرة اول مرة اتعاكستى فيها ؟ ههههههههه انا كل يوم بتعاكس مع انى مش بخرج من البيت اللى بيعكسوا بيجوا البيت يعكسونى فى البيت هههههههه وكان اية رد فعلك وقتها ؟ انا عموما لما بتعاكس بسكت ما بعرفش اعمل حاجة اكتر من انى افضل ماشية فى طريقى ساكتة بس بيكون نفسى اقلع الجزمة وعلى قبة دماغة بس للاسف ماعنديش الجراة طفولتك كان شكلها اية ؟ متشردة طبعا هههههههه بصراحة انا طول ما كنت فى البيت مع بابا ومام كنت ببقى محبوسة كنت بستنى اروح البلد عند جدى عشان انطلق وييجى باابا وماما يخدونى يلاقونى شريدة فى الشارع ولامة كل العيال وعايشين بقى مادة دراسية حبتيها ومادة كرهتيها ؟ بموت فى الرياضيات كانت عشقى وبكرة الفيزيا هى السبب الاول فى دخولى علوم اشوف فيها يوم ولجل الهبل الفيزيا تدخلنى علوم وادخل الكلية الاقى الفيزيا هناك لا مفر كلمينا عن عيوبك صبورة بس عصبيتى وحشة جداجدا جدا بسامح بس مش بنسى ولو اللى سامحتة زعلنى تانى بجيب القديم والجديد حزنى وحش اوى بجد لما بكون حزينة بتعب نفسيتى وبتعب الناس اللى حواليا لانى لمل بكون حزينة ببقى فعلا فى قمة الياس والحزن كلمينا عن مميزاتك مش عارفة بس انا ذكرتها فى شخصيتى وانا مش بحب اتكلم عن نفسى كتير هههههههه بتحاسبى نفسك ولا سيباها لله ؟ بحاسب نفسى احيانا وكتير بتيجى لحظات بحس انى بتكلم لربنا وخصوصا لوبدعى بشئ والشئ دة ربنا مش حققة ليا بحس ان ربنا غضبان منى وبقعد احاسب نفسى وكمان لو عملت حاجة وحاساها مش صح بردة بتكلم لربنا فرصة جتلك وما استغلتيها وندمتى بعدها ؟ مافيش فرص جاتلى فى حياتى تستاهل الندم ما هو حلمك الذى لم يتحقق ؟ انى اعمل بيت سعيد وناجح ان شاء الله وان بابا وماما يحجوا ان شاء الله وانى اعمل دار ايتام عندك اصدقاء ؟/ عرفينا عليهم وما تجيبى سيرتى هههههه لا مش تقلق سيرتك فى بير انا عندى كتير جداجدا من بلدى ومن بلاد تانية ناس من الكلية وناس من الثانوى وناس فى الدبلومة بس ليا صديقتين من ايام الاعدادى لحد انهاردة واحنا اخوات واصحاب مدى ثقتك فيهم / بتحكيلهم كل حاجة ولا مش كل حاجة؟ اة صديقتينى دول واثقة فيهم جدا وطبقا واثقة فى كل اصحابى بس دول ممكن اخكلهم عن اى شئ وان كنت بحب انى احكى عن الفرح عشان الكل يفرح معايا والحزن بخلية ليا لوحدى اخبار دموعك اية / قريبة / بعيدة ؟؟ قريبة جدااااااااااااااااااااااا اااااااااااااااا ما قدر حبك لنفسك ؟ يعنى فوق الخمسين فى المية بتغيرى من حد او على حد / حبيب- اخ –اب- ام- صديقة- مثلاً ؟ لا عمرى ما غرت من حد وبردة انا طبعى مش غيورة يعنى بردة مش بغير على اللى حواليا بس بحبهم امتى تكتأبى وتقفلى غرفتك على نفسك وتنعزلى ؟ لما اكون حزينة او لما بكون بفكر الغرق بين معاملة بابا وماما ليكى / ومين فيهم احن عليكى؟ الاتنين حنيينين الحمد لله ربنا يخليهم ليا وبعدين لازم يدلعونى مش البنت الوحيدة والكبيرة يعنى غصب عنهم هههههههههه حسيتى يوم بتفرقة فى المعاملة بينك وبين اخواتك ؟ لا خالص هما ولاد ليهم الشوز انا بنت ليا بوسة هههههههه تشربى حاجة البارد يا ولد حسببى الله ونعم الوكيل بقالى ساعة ولسة ما خلصتش دة انا خلصت اشوف فيك يوم يا اللى فى بالى طبعا الولد اللى بيجيب العصير هههههههههه نرجع للاسئلة المرأة مخلوق غامض ولاواضح ؟ واضح للى يفهمها ويكون حنين عليها وغامضة للى ما يحاول يفهمها قلتيلى اسمك اية ؟ رمروووووووووووووووومة هههههههههه انا ظهرى تعبنى وصوابعى بقوا 3 صوووووووووووووابع بتعرفى تطبخى ؟ مش اوى يعنى بس فية امل وعمر هههههههه اكله بتحبيها ؟ الحمام المحشى رز الفراخ المشوية واللحمة المشوية المكرونة اكله تبعدى عنها ؟ الخضار مش ليا فية اوى ولا الكوارع والحاجات اللى من النوعيات دى ولا يمكن اكل ارانب ابدا بتعملى رجيم ؟ لا مش بحبة حتى لو وزنى زاد بس انا اكل اللى عاوزاة فى الوقت اللى عاوزاة بتحبى الارانب ؟ هههههههههههه الاجابة وصلت اية اسعد يوم مر عليكى ؟ يوم ما صدقتى جابت يوسف ربنا يخلية ليها ويوم جواز صحبتى التانية بعد حب 9 سنين ربنا يسعدهم اية اليوم الى تحبى ما يرجع تانى ؟ يوم دخولى علوم رحلة قمتى بيها ما تنسيها ؟ كتير وكلهم يجننوا وكلهم ليهم ذكريات رائعة عندى بس انا هحكى عن رحلة كانت فى الترم الاول فى رابعة كلية لان كان فيها موقف لذيذ هو كان يوم واحد وكان بدايتة زيارة لمصنع جرين لاند بتاع الجبنة علوم بقى علماء يا ناس هههههههه وبعدين جولة داخل القاهرة بس دة كلة ما كنش مهم الاهم ان الدكتور صمم يوصلنى لبلدى بعربينة ياعم يهدية يرضيك ما فيش فايدة وصلنا لبدى بعد الفجر وهو كان من بلد تانية خالص تبع المنوفية وبعد ماوصلنى وهو مروح كان هيعمل حادثة ولما شافنى تانى يوم فى الكلية فضخنى كنت هموت بسببك ياعم وانا مالى مافيش فايدة ومن يومها وهو منعنى اطلع معاة اى رحلة ههههههههه والكارثة انة كان مشرف على بحث التخرج بتاعى خلانى اعمل البحث دة فوق العشر مرات وكل مرة يقطعة ويقولى عدية بينتقم ههههههههه مكان تتمنى تزورية ؟ طبعا مكة ةطول عمرى بحلم اسافر لايطاليا والمانيا وكمان نفسى ازور الاقصر واسوان وشارم الشبخ واخد بالك يا ابو منون ههههههه احكيلنا مقلب عملتية فى حد ؟ ومقلب اتعمل فيكى ؟ تفهمى فى السياسه ؟ يعنى على قدى شخصية سياسية تحترميها من هو ؟ جمال عبد الناصر لحد امتى هتفضل مشاكلنا العربية بدون حل ؟ لحد لما نتجمع على كلمة واحدة كلمتين تقوليهم لرئيس بلدك / خفاف عشان نروح بالسلامة فهمانى طبعاً ؟ منتخبنا كويس زى ما قال الريس هههههههههه اقولة جايز الكرسى يكون بيغير نفوس بس للاسف انت محاسب عن 85مليون نفس يعنى لو واحد بس بات من غير عشا شوف بقى الحساب هيكون ازاى مابالك تلت ارباع بيباتو من غير عشا ولا لاقين شغل ولا جواز والربع حرامية ومنافقين وساررقين العشا كلة وزير مضايقك تقوليلة اية/ واى وزارة ؟ كلهم الا من رحم ربة وطبعا مافيش حد بيرحم هههههههه بس اكتر حد التربية والتعليم اقولهم كفيانا جهل لو كنتى فى منصب مهم او وزيرة تحبى تمسكى اية ولية؟ القوى العاملة عشان اقول لكل ست بتشتغل وابنها عاطل تسيب لة مكانها جايز ازمة البطالة تنحل وكمان امسك الشئون الاجتماعية عشان ارفع المعشات الناس بتصرخ من 80جنية اللى بيرموها ليهم كل شهر شخصية اسلامية تركت فى نفسك علامة ؟ عمر بن الخطاب الفاروق لم تظهر الفتنة الا بعد وفاتة امنا خديجة حبيبة الرسول اللى فضل فاكرها وبيكرم اصدقائها بعد وفاتها حمزة بن عبد المطلب سيف الاسلام ما تعنى لكى الصلاة وهل تسهى على وقتها حاضر ؟ الصلاة اهم عبادة فى حياتى والحمد لله عمرى ما بتاخر عنها ولو حصل بيكون فى ظروف معينة وحقيقى بكون زعلانة جدا وصلاة الفجر ؟ الحمد لله مستديمة عليها ربنا يتقبل منا جميعا آية كريمة دائما تخطر فى بالك ؟ قُلْ هَلْ نُنَبِّئُكُمْ بِالْأَخْسَرِينَ أَعْمَالًا الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا وحديث نبوى ايضا ؟ قال صلى الله عليه وسلم(من كان اخر كلامه لا اله الا الله دخل الجنه) رواه ابو داود والحاكم اتمنى تكون اخر كلامى فى الدنيا اشهد ان لا اله الا الله وان محمد رسول الله اية رأيك فى ما يسمى بالفن ومدى تأثيرة بالسلب والايجاب ؟ والله فية منة الهابط اللى بجد بكرهة انى حتى اشوف اعلالاناتة وطبعا دة بيكون سلبى وفية منة بيكون نافع وبيعبر عن حالنا وبيقدم شئ صح ودة بيكون ايجابى مثل تؤمنى بية ؟ اللى بيتة من ازاز ما يحدفش الناس بالطوب لاتبكى على اللبن المسكوب فربما كان فية سم شخصية من عامة الشعب تحترمى مهنته وتوجهي له كلمة شكر ؟ اى حد بيعمل وبيجتهد بشرف وامانة من اجل لقمة العيش باذن الله لينا عودة غدا دة لو كان لسة ليا نفس دة انت هتودينى لدكتور عظام يا اكرم بتفترى ماشى مردووووووووووووودة ليك انا كدة هعتزل المشاركة فى بقيت المنتدى اغتالو اكرم بقى ههههههههههههه سلام اليوم والقاكم غدا ان شاء الله احكيلنا مقلب عملتية فى حد ؟ ومقلب اتعمل فيكى ؟ اية رأيك فى الشباب السيس الفسافيس ومصطلحات الشباب /نفض /كبر / الخ ؟؟ منتدى صدفة به عيوب ومميزات ؟ ابدأى بالعيوب و المميزات اقرأى الصفات دى وحطى امام كل صفة اسم عضو ؟ طيب خفيف الظل متحفز دائما عصبى وفى مستفز غامض وميض يظهر ويختفى صديق لا غنى عنة ماذا ينقص صدفة نصيحة نضعها امام اعيننا تنصحينا بها ؟ عضو تتمنى تشوفى اسمة فى الاشراف ؟ عضو قريب من فكرك ويفهمك على طول الخط ؟ عضو دائما تختلفى معه ؟ عضو تتمنى رجوعة ؟ بتفكرى فى اية حالا ؟ سؤال تحبى نسألة وما سألناه مش كفاية كدة تحبى نستضيفك تانى ولا حرمتى اتفضلى المبغ الى طلبتية قبل ما تمشى قوللنا نكتة اتفضلى عشان الكرسى ايجار بالساعة ونسيبك للاعضاء يسألوكى ونفكرهم 10 اسئلة فقط لكل عضو