الام
قـصـيـدتـي زاد بـعـيـونــي جـمـالـهــا
وأخــذت أنـقــي بالمـعـانـي جـزالـهـا
وأكتب معانيهـا مـن الشـوق والغـلا
لإمي وانا أصغر شاعر مـن عيالهـا
كتبتـهـا فــي غربـتـي يـــوم رحـلـتـي
لمـا طـرى لـي بالسفـر ماطـرى لها
امـي وانــا بـوصـف لـهـا زود حبـهـا
وان ماحكيت لها قصيـدي حكـى لهـا
امـي لهـا بالـجـوف والقـلـب منـزلـه
مـكـانــة مــاكــل مـحــبــوب نـالــهــا
أقرب من ظلالي وانـا وسـط غربتـي
وانـا تـراي اقـرب لهـا مــن ظلالـهـا
ماشافت عيوني مـن النـاس غيرهـا
ولا خــلــق رب الـخـلايــق مـثـالـهــا
أغلـى بشـر فـي جملـة النـاس كلهـم
وأكـرم مـن يديـن المـزون وهمالهـا
أتبـع رضـاهـا وأرتـجـي زود قربـهـا
واللـي طلبتـه مــن حيـاتـي وصالـهـا
الصدق مرساهـا والاشـواق بحرهـا
والعطف واحساس الغلا راس مالها
أهـيـم فـيـهـا وابـتـسـم يـــوم قلـبـهـا
يسـأل وانــا قلـبـي يـجـاوب سؤالـهـا
وان طلبتـنـي شــيء فـزيـت مـنـدفـع
امــوت انــا واحـمـل تعـبـهـا بـدالـهـا
اصبر على الدنيا والاحـزان والتعـب
واحمـل علـى متنـي فطاحـل جبالـهـا
واسهر واعذب راحة القلـب بالشقـا
واعيـش اعانـي بــس يـرتـاح بالـهـا
تربية ابوي اللي على الطيـب اذكـره
الـلــي وهـبـنـي لـلـحـيـاة ومـجـالـهـا
نـور لـي دروبـي وانـا طـفـل مبـتـدي
حـتـى تركـنـي واحــد مـــن رجـالـهـا
الوالديـن اولــى بالاحـسـان لاجلـهـم
واولــى بتكـريـم النـفـوس وعدالـهـا
اقـولـهــا وانــــا عــلــى الله مـتــكــل
والله عـلـيــم بـقـدرتــي واحتـمـالـهـا
ياكلـمـة اغـلـى مــن الـنـاس كـلـهـم
يـاشـمــس بـقـلـبـي بـعـيــد زوالــهــا
يـافـرحـة تـمـلــي الــكــون بـاكـمـلـه
يـاشـجـرة تـكـبــر ويـكـبــر ظـلالـهــا
تضحـك لـي الدنيـا ليـا شفـت زولـهـا
مثـل السمـاء تـزهـي بطـلـة هلالـهـا
والبعـد عنهـا ياهـل العـرف مـاقـدره
لاشـــك نـــاري زايــــده باشتـعـالـهـا
مااعـيـش بـبـلاد ولاهـــي بـارضـهـا
ولا بـي عيونـي كـان مـاهـي قبالـهـا
أرض تــــدوس بــالاقـــدام رمـلــهــا
أمــوت فيـهـا وانـدفـن فـــي ومالـهـا