يجينـــي يوم واعطيـــها
انا ما اخطيت فـي حقـك ولكـن الكـلام عتـاب
أعـاتـب والعـتـب كلـمـة تفـسـرهـا معانـيـهـا
اعاتب واحسب بهرجي الا مني حكيت حساب
وكلمـه يستحـي منهـا لسانـي يبتـدى فيـهـا
واذا انت من العتب تزعل علينا وابتصك البـاب
تـرى مـا نيـب قاصدهـا ولانـي فيـك ناويـهـا
ولا ودى على الفرقـا وقلبـي داخلـي مرتـاب
اشوف ان الهوى خدعة واشوف القلب راضيها
واشوف ان الهوى فرقا مواليف وعناد احباب
واشوف ان الجفا خطوة ولاني قـادر اخطيهـا
وقلبي لو عشق يخلص ولو طالت عليـه رقـاب
وتشهـد لـه دروب الحـب حاضـرهـا وماضيـهـا
عشقنا والهوى حسرة،مشينا ولاأمـل كـذاب
بديـنـا نانبـنـي منـهـا قـلـيـل مـــن بـلاويـهـا
عرفت الحب من عمري صغير بالغـرام وشـاب
وقلبـي للحبيـب اكبـر مـن الدنيـا ومــا فيـهـا
صحيح انى نويـت ابعـد ولكـن الهـوى غـلاب
وهي رحلة بديت بهـا ولا ادري كيـف بنهيهـا
تحريتك شروق الشمس وشفتك للشروق غياب
ولا اضنـك تبيـع العشـره اللـي كنـت شاريهـا
بقى لي بالهوى نظرة وتغريبة ودمع اهـداب
وقصـة بتـرك لسانـك عـلـى الـعـذال يرويـهـا
واناجي باقي حروفي وبألـف للفـراق كتـاب
قصـايـد تمـلـي اوراقــي ارددهــا واغنـيـهـا
واذا مرتني الذكرى وجرحي بالحشا ما طـاب
بتبـعـدنـي وتدنـيـنـي وببـعـدهـا وابدنـيـهـا
وانا عيب علي اشكي من الدنيا بدون اسباب
مدامـي مـا خـذ منهـا يجينـي يـوم واعطيـهـا