[هدهد2009]

[ المحطه الاولى ]
اوصف طفولتك بجملة واحدة
.
كانت احلى طفوله عيشتها مع بابا وماما واخويا وكان بابا دايماى يفسحنا
ويصورنا فى كل مكان نروحه بجد عشت احلى ايام حياتى وانا طفله


.
[ المحطة الثانية ]
ما هو اجمل موقف او اجمل ذكرى تتذكرها من طفولتك ؟
.اجمل موقف كان يوم عيد ميلادى وكان بابا لسه موجود وعمل ليه تورته كبيير ة جدا وكتب عليها اسمى وقالى انى اغلى هديه من عند ربنا انا واخويا
ودايما مش هاينسى عيد ميلادى اللى متعملش بعده ابدا
.
[ المحطة الثالثة ]
ما هو أصعب أو أحزن موقف مر عليك في طفولتك ؟
يوم وفاه بابا بس مش كنت صغيرة اووووى بس دى اول مرة اعرف فيها الاحزان وادوق طعم مرارة الفراق وفراق مين اعز الناس واغلاهم
.
.
[ المحطة الرابعة ]
ما هي أجمل هدية تلقيتها في طفولتك ولم تنساها لليوم ؟
.اجمل هديه اتقدم ليا كانت من بابا ساعه اورينت دهب عيار 14
ويومها مامتى اتخنقت مع بابا وقالت له انى لسه صغيرة وممكن تضيع منى
بس لا هى مش ضاعت ومش هاتضيع ابداااااااااااااااااااااا ااااااا
.
[ المحطة الخامسة ]
هل هناك انسان معين كرهته في طفولتك .. ولماذا ؟
.لا عمرى ما كرهت حد ابدااااااا لاننا كنا لانعرف معنى الكراهيه ممكن نخاف من حد زى المدرسه بتاعتى مثلا زى جدى لانه كان صارم شويه
لكن كان قلبه طيب
.
[ المحطة السادسة ]
ما هي اصعب مرة أأنضربتـــ فيها ولا زالت محفورة في ذاكرتك وسبب الضربــ , وش كان؟
مرة انضربت علقه جامده وكانت من بابا الله يرحمه وكانت اول واخر مرة
كان بعتنى انا واخويا نشترى حاجه من الاجزاخانه وكانت الاجزاخانه قافله فقالت لاخويا بلاش نروح ونفضل مستنينها لما تفتح وطبعا غبنا جدا على ما فتحت وروحنا وكان يوم لم تظهر له شمس ولا قمر وكانت علقه لايمكن تتنسى على مر الزمان
.
.
[ المحطة السابعة ]
هل كنت غيور بطفولتك من اخوانك وتحس فيه تمييز بينك وبينهم ؟
لا لم اكن غيورة لانى كنت البنت الوحيده ومش ليا الا اخ واحد
وكان بابا دايما يقول لنا اننا اتنين بس ولازم نحب بعض لاننا مش لينا الا بعض وان الاخوات مش ممكن تتعوض ابدااااااااااا


.
.
[ المحطة الثآمنه ]

ما هي اكثر وافضل لعبة كنت تلعبها و أنت صغير ؟
.كانت عندى عروسه حلوة كتيييير وكانت لها فساتين وكنت دائما اشعر كأنها بنتى والبسهاا واكلما واضربها لما احس انها عملت شقاوة
عقل عيال يعنى.
[ المحطة التاسعة ]

هل ستربي اولادك بنفس الطريقة التي تربيت بها في طفولتك؟
ليه لا احنا اتربينا على الصراحه والحب واننا مش نخاف وكان دايما بابا يقول اللى يعمل حاجه ويخبيها تبقى اكيد غلط علشان كدا لازم نكون اصدقاء
ومش نخبى حاجه عن بعضنا وكان دايما يقولى ان فى عصفورة ماشيه معايا بتيجى تحكى له عن كل حاجه وانا فضلت مصدقه لفترة طويله والله

بجد موضوع جميل جد يا ابو حميد ربنا يسعدك ودايما بصحه وعافيه
والف شكر يا حبيبه قلبى يا احلى مرمر انك
نبهتينى للموضوع الحلو دا