اللحن الثالث من أوبريت شهرزاد
نشيد استقبال الأميرة
مقام نهاوند
الجنود: تحيا الأميرة شهرزاد ذات العفاف والأبهة
اللي بقت كل البلاد من فوق لتحت تحبها
يابختها
الخاتونه: أحب أشوفكم ع القلعة واقفين ثابتين
وفي الميدان زي الولعة رايحين جايين
واللي أشوف قوة سيفه لازم أرقيه على كيفه
يركب فرس ويا الحرس ويشوف فرصة يفرح بها
الجنود: تحيا الأميرة شهرزاد ذات العفاف والأبهة
اللي بقت كل البلاد من فوق لتحت تحبها
يابختها
الخاتونه: العسكر الله يكترهم ويقويهم
أنا اللي عارفة مقدارهم وأرقيهم
واللي تبان منه القوة يبقى الوحيد عندي هوه
أنظر إليه وأعطف عليه وأديله حاجة يحبها
الجنود: تحيا الأميرة شهرزاد ذات العفاف والأبهة
اللي بقت كل البلاد من فوق لتحت تحبها
يابختها