أنا ليا قلب..!!
ليه الناس اما بتزعل بتقول كفاية خلاص وانا لأ؟!
هوه الناس ليها حقوق وانا مليش اي حق؟!
بزعل واما اشوف ضحكة .. قلبي على طول تلاقيه رق..
بتظلم .. واما يتقال معلش أقول خلاص مفيش حاجة حصلت..
بس دايما بحس ان فيه حاجة جوايا انكسرت..
مرة ورا مرة بس هاجي مرة واقول كفاية..كل حاجة خلصت..
يقولوا عبيطة وهبلة وبتسامح..ميعرفوش ان ده حب..
ان ده طبعي وان على كده قلبي شب..
وان ليا قلب واحد مش مليون الف قلب!
مش معنى كده اني ملاك..لأ انا بشر..
بسامح بس هيجي يوم واقول كل شئ اندثر..
لكن رغم كل حاجة اما اشوف دمعة ف عيون..
بلاقي الحنان ف قلبي انتشر..
مش عارفة انا كده صح ولا غلط..
بس عارفة ان ده عن حب مش عن عبط..
وان مهما حصل..خلاص حناني بقلبي ارتبط!!!
ساره نهل المصري
"همس القمر"
مارس
2004