السلام عليكم

كلنا عارفين ان الاهلى ناوى يعيد ترتيب الفريق من تانى

وناويين يجيبوا لاعبين فى يناير وكمان عارفين ان الاهلى ناوى يجيب ويستبدل حوالى 6 لاعبين

طيب لو انت مكان جوزيه ولجنة الكره مين ال 6 اللى تجيبهم ومين ال 5 اللى تمشيهم ( هناك مكان واحد شاغر فى القائمة)

ونحسب من ال 6 دول احمد فتحى اللى الاهلى اشتراه بالفعل

انا بقى اضيف مع احمد فتحى حسنى عبد ربه ( ربنا يجيبه بالسلامه )

وبعد عرض الاسماعيلى 3 لاعبين للبيع

انا اختار منهم محمد فضل وهانى سعيد الاول مهاجم مثالى ومتربى فى الاهلى والتانى احسن ليبرو فى مصر حاليا بعد ابراهيم سعيد وكلنا عارفين ان عندنا مشكلة فى

المركز ده مافيش بديل للنحاس.........وماحدش يجييى يقولى طيب ومعوض برضه معروض للبيع ....انا عن نفسى مش عايز سيد معوض يجيى الاهلى عشان سنه كبير

واحنا مش عاوزين لاعيبه كبيره تانى وكمان اخلاقه مش قد كده وعصبى وكلنا فاكرين حكايته مع احمد صديق وكمان مع عبدالله الشحات فى ماتشات الاهلى وكل ماتش

بطرد.....ممكن نجيب مكانه اسامه محمد لانه استايل لعبه يشبه محمد عبد الوهاب الله يرحمه

كده فاضل كمان لاعب

هو انا نفسى يجيى عمر جمال بس انا عارف انه صعب يجى فى يناير وممكن كمتن نجيب محمد عبدالله

نيجى بقى ال 5 اللى المفروض يمشوا

اولا انا بخالف النادى الاهلى وبشدة فى اعارته لافضل مدافعى الاهلى فى وقت خط الدفاع عندنا حالته مش قد كده فازاى يودوا جمعة اعارة...مش عارف وكمان برضه

مش عاوز حسن مصطفى يمشى....

المهم انا عاوز عبد الحميد حسن يمشى وانيس بوجلبان و احمد شديد قناوى و احمد عادل و طارق السعيد

انتوا ايه رايكم............؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟