معلش يا ابوعمر
انا بعارض
اجزاء كتير من موضوعك
لسبب
الوحيد
اللى كان
يقدر انة يخلط الدين بالسياسة
دون ضرر لاى انسان
حتى وان كان غير مسلم
هو نبينا محمد
وفضل
دة لحد
بعد موت سيدنا عمر
من بعد موت سيدنا عمر
وفى عهد سيدنا على وسيدنا معاوضة
بدات الكلام الغير مسئول يدخل
وبدات السياسة
تكون فتنة
دة قديما
نيجى بقى نتكلم حديثا
رجل الدين
يمكن ان يدعو الى امور سياسية
ولكن يجب ان يكون حكيم
كما تحدث الشعراوى عن الثورة والثوار
ولم يضر احد بكلامة
لكن نيجى بقى
لواحد شيخ طلع قال ياجماعة دة دم البرداعى والقرضاوى حلال
وطلع القرضاوى دة دم فلان حلال
وطلع بعض السلافيين يقولوا اللى مش هيروح يقول نعم فى الاستفتاء
هيدخل النار واللى هيقول لا هيدخل الجنة
وطلع بعضهم يقول الاضرحة حرام اهدموها واقطعوا اذن المسيحى
واحنا لو مسكنا البلد يبقى المسحي خدام المسلم
وطلع الاخوان قالوا الاسلام هو الحل ودلوقتى لما لاقوا ان الموضوع مش جايب همة
تنازلوا عن الكلمة
كل دول
دخلوا نفسهم فى السياسة ولعبوا بالدين وبالكلام
وفى النهاية حصلت فتنة
انا واحدة
من الناس اللى موافقة على
الفصل بين الدين والسياسة
لان احنا ماعندناش رجل دين حد مؤهل
انة يقدر
يجمع ما بين السياسة والدين فى حديثة بدون ما يعمل فتنة
ولحد ما رجل الدين دة يتواجد
خلينا فى بلد وسط زى ما احنا
ولا احنا عاوزين نبقى علمانيين زى تركيا ولا احناعاوزين نكون ايران ولا افغانستان