سؤال لك ولكي إخواني في الله : هل أنت عضو أم مشرف أم إدارة؟ يا ترى انت عضو مسجل معانا في المنتدى جاي تاخد حاجة وتمشي ولا عضو عايز تبدا تشارك عشان تظهر وتبان ولا عضو بتتفرج وبس ولا انت مين؟ طب يا ترى انت مشرف؟ يا ترى انت وانت مشرف عامل ازاي ؟ مغرور؟ طب بلاش مغرور يمكن يكون أصابك العجب؟ ولا انت ايه؟ يا ترى انت شغلك بيزيد عشان مين؟ طب يا ترى شغلك بيقل ليه؟ طب سيبك من كل دا انت مشرف ليه اصلا؟ يا ترى انت مشرف عشان يقال عليك مشرف؟ ولا انت مشرف عشان تستحق كلمة مشرف؟ ولا انت بقيت مشرف عشان حاسس انك لو بقيت مشرف هتخدم دينك بجد؟ طب لو انت مش كل دول انت مين؟ طب يا ترى انت من الإدارة؟ اه ممكن تكون من الإدارة طب فرحان بنفسك وانت إدارة ولا شايف نفسك زي أي واحد في المنتدى طب انت ايه الي انت شايفه في نفسك خلاك مميز عن كل دول وبقيت إدارة؟ لو بدأت وقلت أي صفة اسمحلي اقولك انك ساعتها شفت نفسك واتغريت بيها؟ ولا انت إدارة عشان كفاءة وانت أقدر واحد يقوم بالعمل الشاق دا طب لو انت مش كل دول تبقى انت مين؟ ها يا أختي تبقى انتي مين لو مش كل دول؟ انا عندي ليك الإجابة ومتفكرشي؟ انت عبد. أيوة انت عبد لله سبحانه وتعالى خلقك من ماء مهين ثم حفظك ورعاك إلى أن خرجت إلى الدنيا وبعد ذلك تكفل بكل شيء يخصك فهو الذي يرتب لك وينظم لك ويرزقك ويرعاك ويشملك برعايته ساعتها بقى تعرف انك عبد. انت عبد سواء كنت عضو أو مشرف او إدارة كلنا عباد لله نطمع أن يغفر لنا وأن يدخلنا جنة الخلد كلنا عبد للخالق جل في علاه يبقى ولا عضو ولا مشرف ولا إدارة يفرقو حاجة عند ربنا المهم العمل الصالح من القلب السليم فخليك عبد وعيش عبد وموت عبد تستريح اوي في دنيتك ولا تستقل نفسك انك عضو ولا تحس بالعظمة انك مشرف ولا تشعر بالكبرياء انك إدارة خليك مع الله بارك الله فيكم اسألكم الدعاء ومتنسووش محدش بيسلم عليكم لا ماما ولا بابا بس انا بقولكم ردوا على موضوعى