[نور]

السلام عليكم ورحمة الله وبركاته

وحشتونى
كلمة قليلة قوى وحشتونى
ايوه اصل وحشتونى دى بتشمل حاجات ومعنويات
واحساس ومشاعر تنبض فى قلبى
ولحظات وهمسات وضحكات

ايوه فعلا مش صدفة بس اللى وحشتنى..
ده كل ركن فيها وزاوية شهدت اعوام من عمرى
مش كل مووضوع وكل منتدى فى صدفة المحبة
لاء دى ذكريات لاتنسى مع كل روح طيبة شاركت فى بناء صدفة
كل صديق وصديقة واخ واخت حبيبة
شاركت فى لبنة من بنيان صدفة مع ذكريات ضحك واحترام ومحبة
ايوه وحشتونى بجد وقوى كمان
وحشنى الغايب قبل الحاضر
وحشتنى الارواح الطيب اللى اتجمعت على العطاء والطيبة والنقاء
وحشتنى كل لحظة من لحظات السهر والتعب والحب
وحشنى كل ركن فى صدفة
وكل شقاوتنا ومواضيع كتير قوى جمعتنا
ببساطة صدفة مش بيت ولا منتدى عادى
صدفة كان احتواء ومتنفس لكل متاعب بتقابل اى انسان
بنجد فيه الهدوء والراحة والاحترام والحلم الجميل
بنجد فيه القلوب الطيبة
واللى بتسال عليك بحب واهتمام
صدفة تركت فى قلوبنا بصمة لايمحيها الزمان ابدا
وحشتنى صدفة بكل مافيها وكل كلمة وحرف واجمل بشر عرفتهم بحياتى
دمتم يارب ودامت صدفة لحد اخر لحظة بعمرى
واتذكر ديما اجمل ايام عمرى وسنينى فيها
يارب يتجمع كل الاحبة تانى فى اجمل مكان واطهر مكان

ده مش منقول والله
لكن من قلب نور