Baden-Baden بادن بادن من اهم مدن البلاك فورست... معناها الاستحمام او الحمام وتكرر اسمها مرتين لروعتها وجمال الطبيعه فيها.. بادن تقع بجنوب غرب المانيا يعني لها حدود مع فرنسا واقرب مدينه فرنسيه لها هي مدينه ستراتسبورغ اللي تبعد حوالي 40 كيلو بس..!! العرض الاول.. جبل مايكلزبرغ عشان نوصل لمنحدرات "مايكلزبرغ" ونلاقي المنتزهات والحدائق كل اللي نسويه نمشي ورى شلالات الماء التي تتدفق وراء مبنى "ترينكهول"، واللي حتوصلنا لمساحات واسعه من العشب الأخضر. وهنا عاد نفرش السجاده ونحط الشاي والقهوه ونستمتع بشمس الصباح واذا معاك كتاب اقراه وانت مرووووق.. كل المناظر بتخلينا نسرح بعالم الخيال بعدها ممكن نروح لحديقه بارادايز.. Paradies يقولو هيه الجنه بالارض هالحديقه تتميز بشلالات مياه تاخذ المويه من ينابيع من باطن الارض وترتفع بطول 130 قدم موجود على اطراف هالحديقه قصور صغيره لاغنياء مدينه بادن ممكن نوصل لل ال"باراديز" مشي عالاقدام او بالقطارات أوالسيارة اللي لها مواقف بشارع ماركغرافينشتراسيه" او بالباص ارقم 205، وتوقف في محطة "فريدريكشو". بعد كذا نروح على فلور نتنربرغ.. فلورنتنربرغ Florentinerberg اذا وصلت لفلورنتنربرغ الشي اللي ممكن تسويه جست ريلااكس حيساعدك على الاسترخاء الورود وروايحها الحلوه من برتقال وليمون الموجوده كثير في هالتله.. اسفل فلور نتنربرغ بنشوف بقايا الحمامات الرومانية جددو الالمان بعض هالحمامات لتعريف الزوار على هاذي الاماكن اللي كان يستخدمها الجنود. بتكون قدام ينابيع المياه الحارة التي تتدفق من عمق 6500 قدماً، والمشهوره بانها علاج لكثير من الامراض وتعطي النشاط والحيويه للجسم.. بقايا الحمامات الرومانية.. الرومان القديمين عرفو اهمية مياة بادن بادن الدافئه واستخدموها في منافع طبيه كثيرره .. هالحمامات بنوها من حوالي الفين سنه, واذا رحنا نزور الحمامات فيه اجهزه تسجيل تشرح لنا كل شي عن الحمامات باللغه اللي نختارها تقع بقايا الحمامات الرومانية تحت ساحة "رومربلاتز اللي نوصلها من شارع شتينشتراسيه. برج فريدريك (فريدريكستورم ) يعتبر اعلى مكان بالمدينه وبكذا يعطيك نظره مطله على المدينه وتقدر تشوف منه شمال الغابات السوداء ونهر الراين وجبال فوج الفرنسيه.. جدد البرج شوارتزفالدفراين<ياطول الاسم اللي هم جمعية الغابه السوداء وافتتح عام 2004 وصار من اهم الاماكن السياحيه فبادن بادن.. صالة "كورهوس" قاعة البلده الرسميه سواء رحت للصاله عشان تحضر احتفال او حفله راقصه او زياره كازينو او حتى عشان تتعشى فيها فانت اكييد راح تنبهر من ديكورات الصاله اللي انبنت عام 1824 . باختصار الصاله تنفع للسهر بمجاميعو لما تطلع برى الصاله فيه حدائق كورهوس المليانه بالورود والزهور وقريب من الصاله فيه بوتيكات راقيه تقدر تزورها مشي من الصاله ومطعم كورهوس اللي ح تذوق منه اطعم الاطباق الالمانيه.. ومنها نطلع نتسوق بمركز البلده مسرح بادن بادن كثير شبّهو شكل المسرح الخارجي بدار الاوبرا بباريس.. يضم المسرح برامج منوعه لمسرحيات واعمال فنيه لارضاء اذواق اللي يحبو المسارح اللي بياخذ جوله بالمسرح ممكن يتصل ويحجز قبل..