اقــــــــرب النــــــاس
بمشـي علـى درب لـه النـاس يسـعـون
واصــد عــن درب الـدجـي والعتـامـة
وبقصـر اليسـرة عـن الضيـم والهـون
وطـلـق يمـيـنـي للـصـخـا والـكـرامـة
وبحتـرم نفسـي وانـا شـخـص ممـنـون
ومـن يحتـرم نفسـة وجـوب احتـرامـه
ماني من اللي فـي ذرى الحيـط يمشـون
ولامــن الـلـي معـتـلـي فـــي مـقـامـه
متواضـع وأمشـي علـى الحـق بالهـون
مـتــوســط الـمـعـرفــة والـشـهـامــة
ولـي مجلـس دايـم لـه الـنـاس يلـفـون
شـرعــت بـابــه والـــدلال الـعـلامـه
مايفـتـح الا فـيــه الاجـــواد يـدنــون
ويالله عـسـى الـلـي يـقـرب للسـلامـه
هـذا طريـقـي وكـثـر الـنـاس يــدرون
صـديـت عــن درب حـلالــه حـرامــه
ميـزت ربـعـي بـيـن عـاقـل ومجـنـون
واكشـف بلـيـد المنفـعـة مــن سـلامـه
واهـل المصالـح لـو علـى يـوم يبنـون
فــي يــوم ثـانـي يرغـبـون الـهـدامـه
واهل الحكي لو لك عن النـاس يحكـون
بيجـيـك يــوم ويقـصـدك فــي كـلامـه
لاصـار سيفـة لاقـرب النـاس مسنـون
يضرب رفيقة وان اقـوى فـي عضامـه
نـاس مـع الكلـمـة يـروحـون ويـجـون
بـــس المصـيـبـة يـدعــون الفـهـامـه
ولانـيــب ديـــان ولانـيــب مــديــون
ولا بغـيـت مـــن الـهــروج الـمـلامـه
ولاطـلـبـت مـــن المخـالـيـق يـبـكـون
ولا بغـيـت مـــن الـحـزيـن ابتـسـامـه
بمشـي بدربـي واتـرك النـاس يمشـون
كـلـن عـلـى كيـفـه رقــى كــل هـامـه
ولا صرت انا من راعي الطيب مطعون
ابيسـتـوي قــرب الـرفـيـق وعـدامــه
وأن خاب ضني بأقرب النـاس وشلـون
بعـطـيـك ضـنــي يـارفـيـق الـنـدامـه