الخيال
بالخيال اللي حشــــد بالذاكــــره طابـوره
شفت صورة من غلاها ساكن ٍ وجدانـي
وجيت امتع ناظري في معطيات الـصـوره
صـــورة ٍ تصــويرها من ربها ربـــاني
وانكسرت لنظرة ٍ منها العــرب مكسـوره
انكســـار اعجــاب ماهي لـيّ شي ٍ ثـاني
من رمته جيوشها ابطى ماتطـير طـيـوره
والله ليبطي مابين السجـــن والسجـــاني
واقبلت بالطيف شرطان الذهـب منثــوره
فوق غصن ٍ مال منه الخوخ والرمــاني
وجهها بدر ٍ يشعشع في سمايه نــــــوره
وكـن في لبت نحـــرها بارق الامــزاني
وان لمحت الثلج وسط الجمره المخمـوره
قــلـت يـالـبـيـه يـابســـم الله الرحمـــاني
ارحبي كـل الحـنـايـا بالغـلى معـمـــــوره
واسـكـني في وسـط قلب ٍ شرع البيباني
والله اني لك كـتـاب ٍ مـأيـضـيم اسطــوره
وانتي اسطـر بالكـتاب اللي بـلا عنواني
وان لفى فيك الخيال اللي تمـوج بحـــوره
ماتعـذرك الخفـوق ولا هجــاك لســـاني
حـلـم والا عـلـم واثـر الطـيف غلـق دوره
عقب ماحرك شعوري واستثار اشجاني
والسبب صوره ولاهي بس ايت صــوره
صورة اللي من غـلاها يرجـح الميزاني
.........