[نوبى]

لاحول ولاقوة الابالله

ترددت كتير قبل ردى على القطة لانها تعرف ماسأحكيه

الموضوع ده يتكرر فى ايامنا دى ولكن بصورة اخرى
والمتابع لسير القصة يلاحظ ان المعيشة فى 1920 كانت عادية الكل عايش وكتيير يرتدى الذهب
ومنهم من يطمع فى من عند غيره والى الان يحدث هذا
اما فى 2009 حاليا تخشى على نفسك
لو شايل موبايل نوكيا 1100 يساوى مستعمل 20 جنيه يعنى 2 علبة سجائر امريكية
وراجع متاخر فما بالك لو بنتك لابسة حلق اطفال او السيدة لابسة 2 غويشة رفيعة
بمعنى انه مافيش اى نوع من انواع الامان
سهل اوى تلاقى مطواة فى رقبتك وطلع اللى معاك ايا كان
واظن الكل متابع للتليفزيونات
وزاد مؤخرا هو وصول الذهب الصينى حاجة ببلاش كدة
تقدر الست تلبس ذهب مقلد 15 غويشة محترمة ب150 جنية
وفى ظل الاحتباس اللى الناس فية ستعود ريا وسكينه لكن ب 10 جنية
ساحكى قصة حقيقية تخصنى انا شخصيا وساحكيها لانفعالى وللتنبيه لانفث مابداخلى وليكن مايكون .
انا اتحرك خارج البيت بكرسى متحرك غير السيارة وهو موجود بمدخل العمارة
وغير مربوط لانى اقيم بمنزل العائلة والمدخل بابه مغلق
وبخروج احد الاطفال دخل شخص مجهول واخد الكرسى ومشى به ليبيعه ولو بخمسين جنيه هو الكسبان لانه مش لاقيهم الى ان لاحظ جار لى فرجع به
ومره قبلها تصعد سيدة لااعرفها بشقة فوقى وتدعى انها زوجة صديقى محمد بمسجد كذا
وانها خجلت تطلب منى 100جنيه لزوجها وارجعهم كمان ساعة .. وحصل
ونفس السيدة نزلت من العمارة لتذهب للمسجد اللى اصلى فيه وتطلب مبلغ لسيارة الاسعاف لطارق لانه فى المستشفى ونحتاج من المسجد 200 جنيه على انها زوجتى
وهو كذب فى كذب
وهذه الحادثة علمت انها تكررت بعديد من انحاء الاسكندرية
وسبب ذكرها هنا لفضح الخدعة دى واكيد حصلت مع حد تانى .
الناس تعبانة الا من رحم
واسف للاطالة
لان ريا وسكينة كان زمانهم فقير يسرق من غنى
وزماننا اليوم كذلك لكن العكس هو السائد ان الفقير يسرق من الفقير
والغنى يسرق الملايين وينصب ويحتال على البنوك الحكومية
وموجود بالخارج حتى تسقط قضيته
ولاحول ولاقوة الا بالله
احبكم فى الله
اتخنقت