بقول للحج
شايف الجيل بتاعنا عامل ازاى .. عمرك شوفت طابور زى دا؟
ها هع هاااا احنا جيل جامد ... اول جيل يتعمله طابور فى البنوك عشان مصر
رد الحج بكل تناكه وضهره راجع لورا
قالى انت كام سنه ؟؟ قولتله على مشارف العقد التالت يا حج
قالى وايه سبب فرحة حضرتك؟؟ الطابور دا ؟ هههههه
دا اكبر حاجه شوفتها فى حياتك
قولتله اه وعشان مصر
قالى انت شوفت النسخه المصغره
استغربت وقولتله والنسخه الكبيره كانت امتى؟
قالى نسخه كانت برضو عشان مصر وكانت فى جيلى اول طابور كبير يتعمل كده برضو عشان مصر
زاد الاستغراب وقولتله امتى؟ من يوم ما وعيت على الدنيا وانا ماشوفتش حاجه كده؟
قالى ايوه .. عشان الطابور دا كان للتبرع عشان يموت عشانك اللى خلاك توعى على الدنيا وتعيش !
الطابور وقتها كان لمساعدة مصر فى حرب اكتوبر !
راح الاستغراب وابتسمت وصدقت فعلا ان التاريخ واحد وكل فتره بيدور
وفرحت اوى ان جيل ابويا مش هايبقى احسن منى
هما ساعدوا مصر فى حرب اكتوبر
واحنا ساعدنا مصر فى حرب العبور الثانى .. حرب بناء مصر
دايما بيرويكى .. دم اللى حاميكى
اكتوبر 73 ... عبور 2014