[marmer]

انا سمعت البرنامج امبارح

لما استضفوها فى برنامج 48ساعة

وفعلا من كتر الصفارة اللى جت على الكلام تعرف ان فية حاجة غريبة

هى طبعا الاخت هبة قالت انها كانت مستغربة الكلام دة من شوبير

وكانت بتقول ما بينها ومابين نفسها ان مش دة كلام الكابتن شوبير القدوة

وقالت ان واحد زميلها هو اللى سرق المكالمة ووزعها

عموما مهما كانت الحقيقة

انا شايفة ان هبة دى ما هى الا انسانة وصولية وغير امينة انها تكون صحفية
ولا انها تمسك اى منصب فى اى مكان

ثانيا
شايفة اتنين بيقطعوا فى بعض وبيكرهوا بعض بشكل غير عادى

هما شوبير ومرتضى منصور

وكل اللى يهمهم فى الدنيا انهم ينهوا بعض

فين الاخلاق مش عارفة

ناس كبيرة ومسئولة ما عندهمش اخلاق

وبنت المفروض انها ممكن تكون فى يوم من الايام صحفية كبيرة وتتكلم بضميرها وهى ولا عندها رحية الضمير

اية اللى احنا فية دة

معقول هى دى خبايا مجتمعنا

اللى احنا فية دة كارثة بجد ما يتقلش علية غير انة حاجة مقرفة

لاحول ولا قوة الا بالله

شكرا احمد لطرحك