العيد عيدك
لعيد عيدك يامها الخود
والا فنا ماجاني العيد
ياما كثر اللي هوب مقصود
هشل ولا تهزف له الليد
قلبي امعبا منك بنضود
أولا له مجال إيضيف ويزيد
الا انت لي ساكن او موجود
لك منزل في باطن سعيد
يالسولعي ياترف لخدود
ياسيد الخفرات والغيد
مهما ابعدتني عنك لحدود
واتوعرت من دونك البيد
شوقي الشوفك غير محدود
لو انت نائي عني ابعيد
ياني خيالك والملا ارقود
ايزورني وانا به اسعيد
ونشيت ابغي الهاتف ايرود
كود اوعساه إلرقمك ايصيد
ناديت وترييت مردود
وياني الجواب اللي له آريد