[طارق سرور]

السلام عليكم وحمة الله وبركاته


الوحدة

وحدة

كلمه صغيرة اوي عبارة عن 4 حروف
لكن كل حرف منها تقيل تقل الجبال

جربت قبل كده تعيش كل الناس حواليك وانت حاسس انك لوحدك ؟؟
جربت تعيش بكل كيانك لبني ادم واحد بس بتكلمه في كل لحظة من لحظات نومك ويقظتك

لكن للاسف محدش حاسس بيك

بتحس انه معاك مراقبك مراقب خطاويك
مراقب انفاسك ولما تكلمه تلاقيه شاكك فيك
مهما عملت علشان تراضيه هتلاقيه بردو بيخبط فيك

ليه ؟؟
ليه بيتعمل فينا كده ؟؟
حبسنا نفسنا سنين طويلة اوي ورا شاشة وكيبورد
بنتكلم مع عالم افتراضي
عالم خيالي كل اللي فيه مشكوك فيه
لكن الحاجة الوحيدة الحقيقية اللي فيه لما تستخبى ورا نفس الشاشة ونفس الكيبورد
بردو بتبقى مشكوك فيها

حبسنا نفسنا في العالم الخيالي ونسينا عالمنا الحقيقي
نسينا نفسنا واهلنا وعمرنا
عمرنا .... ؟
عمرنا اللي ابتدى يتسرق مننا
عمرنا اللي بيروح يوم ورا يوم من غير مانعمل فيه حاجة لمستقبلنا ولا اخرتنا ؟


ساعات كتير اوي بسال نفسي
هي الوحدة قدر ولا اختيار او قرار

حتى لو كانت قدر
انا اخترتها بايدي اختيار

وهعيش في قوقعتي وبانبهار
هاعيش لوحدي ومش عايزة اي تدخل او تطفل

هصاحب وحدتي وتصاحبني
هتعود عليها وهاعيش
مش هموت