انا سمعت البيان
وحساة
عمل كل شئ
كانت الثورة عوزاة
وبالرغم من كدة فية ناس لسة بردة مصممة
ان دة لعب بيهم
لية التحدى دة انا مش فاهمة
يعنى سمعت مكالمة من اسماء محفوظ
البنت اللى قالت انها احدة اعمدة الثورة
سمعتها وهى بتتكلم
وبتدعى ان حكم مبارك لمصر كحكم اسرائيل لمصر
بصراحة حوارها كان مستفذ والكارثةانها بتتكلم
على لسان كل الشباب
طيب انا بقى من الشباب
ورفضة اسلوبها فى الكلام
مبارك طلع اعتذر وطلع صدق كل شئ اتقال قبل كدة
واعترف بالثورة
واعطى صلاحياتة
لعمر سليمان
بس بردة مافى فايدة
فية كلمة انا قولتها لابويا
قبل الخطاب
قولت له
ان سواء مبارك اتنحى او اعطى صلاحياتة
لعمر سليمان
فية ناس بردة مش هتقبل
لانهم عاوزين يسقطة عمر شليمان والنظام باكملة
يعنى
عاوزين مصر بدون حكومة ولا نظام ولا امن ولا شغل ولا اى موارد للحياة
هما دول اصحاب الثورة
لا اعتقد ان فية ثورة فى الدنيا توافق بالمهزلة دى