في الليل سكون وفي الليل تحريكـ للشجون
في الليل جمال وفي الليل خوف ورهبة
للعشاق سهر بالليل وغرام وأحلام
وللعابد ركعتين ودعاء وقيام
كلا يقضي هالوقت بسيمفونية خاصة متعلقة بشخصة الكريم :
乂 乂 乂 乂 乂乂 乂 乂 乂 乂乂 乂 乂 乂 乂
حبيبي النوم من عيني طار
قلت أرسلكـ مسج و تشاركني السهر
الساعة ! 10
المتصل يود أجراء هاذة المكالمة على حسابكـ
لقبول المكالمة ...
هلا يا قلبي 
وينكـ من اليوم احتريكـ
معليش بس عندنا ناس شوي واكلمكـ
هاه طيب طيب بس لا تتأخرين
,
,
,
ستة آلاف مرة يناظر بشاشة الجوال يتأكد فية ابراج ولا لا
اي واحد يكلمة بسرعة يصرف لا تتصل شلخة القلب تلقاه مشغول 
الو وليد وينكـ بتجي الاستراحة لالا طالع مع الاهل معزومين الليلة
الو وليد وينكـ نمركـ تطلع معنا لالا الليلة تعبان وبنام بدري
,
,
,
الساعة 2 تجي 3 توصل 4
ولا زالت العيون على شاشة الجوال ويا قلب لا تحزن
乂 乂 乂 乂 乂乂 乂 乂 乂 乂乂 乂 乂 乂 乂
الساعة 10
ابو عبد الرحمن وام عبدالرحمن متلحفين وفي الحلم السادس
نواف وليدهم بالعشرين ما عندة ولا شغلة
طاح على مفتاح السيارة قال مالكـ يا ولد الا تمتير بهالشوارع
(زوم على طريق الميه ونواف ماشي 220 وابو نورة على اعلى صوت الاماكن كلها مشتاقة لكـ)
نواف يطالع للمراية الا ولومينا مرور سري وراة
ويوقفة العسكري رخصة واستمارة ولا امداة يطلعها من الدرج الا والسطحة واقفة
تشيل السيارة ونواف مع العسكري ويرمية بالتوقيف للصبح
وقتها نواف كمل الاغنية الي كان يسمعها
الناصرية كلها مشتاقة لكـ
والجدران الي انكتبت فيها ذكرياتي
乂 乂 乂 乂 乂乂 乂 乂 乂 乂乂 乂 乂 乂 乂
بعد ما راحو الزوار
وكلن ودعة وطلع
صالح يقضي الليلة الثالثة بالمستشفى على أثر طيحة من الدرج
يوم كان يناظر الشغاله الجديدة الي جابوها اهلة الي تشق الوجة
هو ما قصدة شي يعني كان قصدة شريف بس حب يتأكد انها بغرفتها الي تحت بيت الدرج
ومن الشوفة شمع بجبهتة من فوق الدرج على الزير حق الماء الي مجدوع عند الباب
,
,
,
,
الوقت يمر علية بثقل في المستشفى يعني الدقيقة بساعة والساعة بيوم
يقول ابن الرومي في مثل هاذي الحالات
رب ليل كأنه الدهر طـــــولا .........قد تناهى فليس فيه مزيد
ويقول اتركـ عنكـ الشغالات بعد
乂 乂 乂 乂 乂乂 乂 乂 乂 乂乂 乂 乂 乂 乂
في هالوقت تزين سوالف آخر الليل
ويبدأ الناس المحترفين في سرد سوالفهم ومغامراتهم الي ما تنتهي
الكل جالس يسمع الي مستمتع والي يضحكـ والي حايمتن تسبدة بس ما ودة يروح
للبيت خبرة الي هنا أزين من الحنة الي قدامة ولا يحتري البزران ينامون 
ومسلسل سوالف آخر الليل مستمر والبطل يكمل حديثة قائلا <-----
خبركم الدكتور الي كان يدرسنا آخر ترم قبل أتركـ الجامعة <------- هو منطرد أصلا ما تركها
هذا الله يسلمكم صار بيني وبينة تحدي مرة وهو أنة يحطلي أختبار عام عن كل المواد عبارة عن
مية سؤال واذا حليتها كلها وجبت الدرجة كاملة يقدم استقالتة من الجامعة
أنا وافقت على طول وسوو أعلان في جميع اقسام الجامعة عن التحدي وموعد الاختبار
وفي اليوم المحدد جلست وتجمعو علي اربعة دكاتره منهم رئيس القسم وعطوني ورقة الأسئلة <----- كأنهم فاضينلة هالعالم
يقول وابدأ بحل الاسئلة كلها صح والدكتور الي متحديني يطالع في واحسة مقهور 
ونا أكمل الحل ويجي عندي ليني واصل آخر سؤال ويقعد يتحيل في وأنا داخل على الله ثم عليكـ لا تقطع رزقي
يقول عاد انا رحمتة والله وأعود احل السؤال الاخير خطأ مع اني متاكد من اجابتة بس تركتة لله 
<---- أية هين
乂 乂 乂 乂 乂乂 乂 乂 乂 乂
المهم ويغير السالفة وهذا أسهل شي عندة تغيير الموضوع أبد من تجهز السالفة الثانية
يدخل عرض ولا همة لا يعطي اشارة ولاشي
يقول مرة عمي الي هو اخو ابوي وابو البنية الي منشعفن قلبي عليها وبتصير في القريب العاجل مرتي
كلمني وقت العصير يعني قبل المغرب بشوي سيارتة خربانة ويبيني اجيب لها قطع غيار من مدينة ثانية تبعد عنا
حول مية وستين كيلو لان الديرة الي حنا فيها هالقطعة موب موجودة والمشكلة انه يبي اجيبها قبل العشاء عشان
يركبونها الورشة قبل يقفلون خبركم النظام الجديد للورش تقفل بعد صلاة العشاء على طول
يقول المهم انا دقيت سلف على طول ووصلت الديرة ومريت قطع الغيار واشتريت القطعة 
الى الان كل الامور تمام ومسكت خط الرجعة وأول ما مسكت الخط وقفت في اول محطة أبي اعبي بنزين
ويوم جيت ابي امشي الا السيارة اعشقها ما تقبل القير مجيم أحاول أحاول ما رضت ونا مستعجل ولا أبي عمي يقول هذا ما فية خير ولا ما ودة يخدمني
قلت في نفسي خل أجرب الريوس والله واعشق القير ريوس ويقبل
قلت يا ولد ما يبيلها خل اتلها بس بالريوس والله بيستر
يقول والله واشيل الشمعات الي قدام واركب لنباتها بدل لنبات الريوس واجيكـ ساري
العالم كل ما مرني سيارة يقعدون يناظروني والي يصور والي يقوم بزرانة كانو نايمين يبيهم يتفرجون في
ونا ماشي وكل الامور تمام الا أن رقبتي صارت تعورني شوي من الالتفات لورى <--- بس شوي
يقول المهم وامر نقطة تفتيش ويوقفوني واقولهم السالفة ويقولي الضابط الي عندهم
عشان اصراركـ وعزيمتكـ بنخليكـ تروح الله يستر عليكـ <---- مغزى السالفة انة يكون ولد ذو عزيمة واصرار
يقول واوصل الورشة الي فيها سيارة عمي قبل العشاء بوقت طويل وركبو القطعة وكلش تمام
乂 乂 乂 乂 乂乂 乂 乂 乂 乂
ويمد يدة صبلي شاهي يبو خالد كله عشان يبين الحرق الي في يدة
تشوفون هالحرق الي في يدي هذا <----- أية
هذا الله يسلمكم قبل اسبوعين احترق بيت جيرانا وما فية الا بنات وعيال صغار ما عندهم رجال
وبالصدفة ونا طالع من الدرج الا واسمع الصياح والاصوات وادخل على طول <---- تكفى
الا البيت يشب نار واكسر الباب حق غرفتهم واطلعهم والحمد لله بس هالحرق البسيط 
والمشكلة انة قبل فترة قايلنا سالفة عن هالحرق انها
من محطة بنزين احترقت وقدر يطفيها قبل يوصل الحريق للخزانات
乂 乂 乂 乂 乂乂 乂 乂 乂 乂乂 乂 乂 乂 乂
أخي القرئ <-----: ياشين الخلط بين العامي والفصيح
كيف تقضي ليلتكـ هالايام
عسى ايامكم ولياليكم سعة صدر ووناسة يا رب
واذا عندكـ من سوالف آخر الليل لا حرج ان تسدحها ها هنا