- .. إيش كآن فصلك في أول إبتدآئي ؟ يعني ( أ , ب , ج ) ..
احنا ما كان عندنا ( أ , ب , ج )
احنا عندنا 1\1
1\2
1\3
دة لسنة اولى
2\1
2\2
دة لسنة
تانية وهكذا بقى
لحد ما نخلص الثانوى
- أول مدرس/ه جآكم بالفصل ( بأول إبتدائي ) .. ؟ على الأقل الإسم الأول ..
ابله ماجدة
ودى كانت حبيبة قلبى
اديتنى من اولى ابتدائى لحد رابعة
كنت بموت فيها وهى كانت بتموت فيا
- أول مشكله أو مشآده حصلت بينك و بين أحد التلآميذ .. ؟
هههههههههههه
مشاكلى ما كانت كتير اوى بس كانت مؤثرة ههههههههه
فى الابتدائى
كانت مشاكلنا مع الولاد
كنا بنضربهم ضرب
ونسرق الجزم والشباشب بتاعتهم واحنا فى الدرس
ونمشيهم حافيين يدوروا عليها ههههههههه
وفى مرة اخترعت ليهم مخدرات ههههههههه
جبت طباشير وطحنتة وحطيت علية رابسو
وشوية فلفل اسمر وحاجات كتير كدة
كنت عالمة انا هههههههه
ورحنا قلنا ليهم ان احنا معانا مخدرات
والهبل مشيوا ورانا عشان يعرفوا المخزن بتاع المخدرات فين
ههههههههه
وفى مرة شممتة لواحد فيهم
اداها عطس وشة بقى ابيض هههههههه
افترى ههههههههههه
اما بقى فى الاعدادى
اول واخر خناقة
كانت ما بينى ومابين بنت
المفروض انها صحبتى
وشدينا شعر بعض
وشعرنا اتنكش ههههههههه
وكان يوم
والبنت دى من يومها لحد انهادرة ما بنكلمش بعض
- من كآن يلبسك ( ثوبك / مريولك ) بالإبتدائي .. ؟
انا كنت بحب البسة لوحدى
واحيانا مامتى كانت
تلبسنى غصب عنى
استبداد هههههههه
- كم قلم ضيعت بأول إبتدآئي و هل كآن ( أبوك / أمك ) تهآوشك عليه.. ؟
يوووووووووووووة
ما تعديش
دة انا ضيعت فوق الالف قلم
من ابتدائى لحد الكلية ما كان بيعيش ليا اقلام
وفى مرة بابا كان جايب ليا قلم هدية وانا فى الابتدائى
العيال سرقوة منى الجزم
وكانوا بيسرقوا سندوتشاتى
بيردوا ليا اللى كنت عملاة فيهم
- هل بكيت بأول يوم درآسه .. أو خليت ( أبوك / أمك ) يدآوم معآك .. ؟
لا
بس اعتقد كنت بعيط فى الحضانة
كانت فية دادة رخمة
كنت بكرهها
لكن فى المدرسة
ما كنت بعيط
اصلى كنت جامدة فى الدراسة
وعمرى ما انضربت فى اى مرحلة تعليمية
الا عشان كنت بضحك او بتكلم
لكن عمرى ما غلطت فى سؤال
زمان بقى هههههههه
- هل كنت تغآر من أحد التلآميذ .. مع ذكر السبب ؟
لا
لانى كنت مدلاعة
واللى كنت عوزاة كان بيجيلى
هما اللى كانوا بيغيروا منى
ههههههههههههه
- بالمتوسط .. هل حسيت إنك كبرت .. ؟
انا لحد انهاردة
ما حسيت انى كبرت
حتى الناس
اللى بيشوفونى
بيفتكروا انى لسة فى ثانوى
تزوير بقى ههههههههه
- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
يا خرابى على كتبى
انا عاوزة اقولك
انك كنت مغرمة برسم
العيون والقلوب والورد
كل كتبى
كانت عجيبة
وكمان انا ما بعرف اذاكر فى كتاب نظيف
لازمن يكون كتاب ضايع
عشان اعرف اذاكر فية ههههههههه
- هل خآلفت الأنظمه .. كم مره .. إذكر لنآ إحدى المخآلفات .. !
اكتر وقت خالفت فية النظام
كان فى ثانوى
كنت كتير ما بحضر الحصص
وخصوصا فى تالتة ثانوى
بالرغم من اننا كنا فصل علمى علوم
وكان معروف ان الادبى هما اللى مشاغبيين
الا اننا
كنا فصل عاوز الحرق
من ضمن المخالفات
فى مرة
كان عندنا حصة كيميا بعد الفسحة
والمدرسة بتاعت الكيميا دى بتنيم بلد
كان اسمها نبوية
المهم
ان كان اليوم دة عيد ميلاد واحدة صحبتى
المهم ان احنا كنا بناخد حصة الكيميا فى المعمل
فقلنا نطش نبوية
ونحتفل فى الفسحة
بعيد ميلاد صحبتنا
كانت صحبتنا اللى عيد ميلادها اسمها اميرة
وانا والهام واميرة دول انتيمى لحد انهاردة
وماريان وماريان
يعنى كنا ستة
والباقى نزلوا عشان الحصة
وكنا جايبيين تورتة من محل معروف عندنا اسمة القدس
المهم
حبكت ان نبوية تعد
وتاخد الغياب
ومن هنا لهنا عرفت ان فية ستة مفقودين ههههههههه
راحت بعتت للمدير
والمدير دة كان مجنون
تشوفى تضحك لوحدك
وهو موتة وسمة اللى يضحك قدامة
المهم
ان احنا نزلنا
بس كانت خلاص قالت لة
جة
المعمل
وقلنا فين الستة الحلوين معتدل مارش قدامى
كان فكرنا عسكرية هههههههههه
وطلع مكتبة
وقاعد بقى يقولنا
بتحتفلوا بعيد ميلاد صفية العمرى
يا هوانم جاردن سيتى ههههههههههه
وشاف التورتة بقى وعرف ان احنا جايبنها من عند القدس
قلنا انتوا بقى اللى حررتوا القدس ههههههههه
وكلام بقى كتير
وكل دة المفروض ان احنا ما نضحك
المهم فى الاخر
سالنا على مجمعنا فى سنة تانية ثانوى
وكلنا كنا جايبيين مجاميع كويسة
قلنا عشان بس انكوا شاطرين هسمحكوا المرة دى
وابقوا سلمولى على صفية العمرى هههههههههه
وسلمتلوا على صفية هههههههههه
- إذكر لنا بعض الألقاب التي أطلقت على المدرسين .. مع ذكر السبب .. ؟
نبوية القوية
بتاعت الكيميا
مستر طلعت بوجى
بتاع الانجليزى
كان شبة بوجى بتاع بوجى وطمطم
والقاب كتير بس بصراحة
الزهيمر عامل شغل مش فاكرة
- هل يوجد ألقاب أطلقت عليك .. ( إعترف ) .. ؟
الدكتورة لانى كنت جبارة فعلا
ماعرفش اية التخلف اللى جالى بعد كدة اتحدست ههههههههه
وكمان السفيرة
لانى وانا فى الابتدائى كان اى حد يسالنى
عاوزة تبقى اية
عاوزة ادخل اقتصاد وعلوم سياسية
عاوزة ابقى سفيرة
وكمان الصحافية
لانى كنت بكتب مواضيع سياسية جامدة
من يومى وانا بحب المعتقلات ههههههههه
- هل أخذت رئاسة فصل أو مسرحية أو إذاعة أو مآ شآبه
كانوا كتير بيتحيلوا عليا
بس عمرى ما حبيت رئاسة الفصل
لانها لو بتجمع فلوس والفلوس اتسرقت
هى اللى بتدفعها
وكمان لازمن الطباشير والبشورة
يكونوا متحضرين
للمدرس
وانا اكتر حاجة اكرها البشورة ومسح السبورة هههههههههه
ولانى دايما كنت بحب اكون مشهورة
بس بحب اصحابى ليا
وبالضوضاء اللى كنت عملاها هههههههههه
- أين كآن مقعدك في الصف الأول ثآنوي .. ؟
فى الابتدائى والاعدادى كنت بقعد فى الاول
الثانوى كلة
كانت قاعدتى فى اخر مقعد
شطارة بقى هههههههههه
- في أي سنه إلتقيت بأعز أصدقائك .. ؟
لحد انهاردة
انتيماتى من اعدادى
بنكلم بعض وبنشوف بعض
- مدرس تقول له ( شكرا من القلب و يعطيك العافية ) .. ؟
الابله ماجدة
والاستاذ عماد
دول كانوا مدرسينى فى الابتدائى
وفعلا كانوا هايليين
كنت بعيط
لما عرفت
ان ابلة ماجدة مش هدينى فى رابعة وخامسة ابتدائى
لانها كانت اتنقلت مدرسة تانية
وادانا مكانها استاذ عماد
كان ما يقلش عنها
كل احترامى ليهم
- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
لا عمرى
حتى لما كنت بهرب من الحصص
كنت بضبط مع البت بتاعت الغياب
- مدرس تمشكلت معه .. مع ذكر السبب .. ؟
حلو ة تمشكلت
دى
ههههههههههههه
اكتر واحد تمشكلت معاة
كان المدير اللى حكيت ليكم علية
دماغة كانت لاسعة
هههههههههه
وعموما انا كنت بكرهة
اى مدير او مديرة او ناظرة او ناظر
كان نفسى يلغوهم من التعليم خالص هههههههه
وكمان كنت بكرهة الاخصائية الاجتماعية
واحنا فى ثانوى
كانت غليسة وياما اتخنقت معاها
بصراحة المدرسة كلها كانت عاوزة ترميها فى بلاعة هههههههه
- أطرف موقف حدث لك في حيآتك المدرسية ؟ .
بتاع هوانم جاردن سيتى
ههههههه
وكمان
فى مرة وانا فى الابتدائى
كان استاذ عماد
عامل لنا اختبار فى الرياضيات
وانا بقى الحساب دة كان هوايتى
المهم
دخل علينا
وقلنا
ان مافى حد اخد 50 من 50
غير واحد بس فى الفصل
طبعا الفصل كان فية حولى 50 بنت وولد
الكل بقى بدا يحلم انة هو
الوحيد
اللى جاب الخمسين
المهم
جاب ورق الامتحان
وقعد بقى
يهزانا
كلنا
ويقول مافى هنا غير واحد بس
اللى يستاهل انى ادرسلة
وجاب الورق كلة وقام مقطعة
ورمية من الشباك
وفضلت معاة الورقة اللى فيها الخمسين
وقام منديلى وطلعنى على السبورة
انا كنت خلاص بقى
انا قولت
شيفنى حاجة صغيرة
كدة
وهيطلع
اللى احنا عملناة فية عليا
لوحدى ههههههههه
كانت لحظة خلاص
كان نفسى الارض تتشق وتبلعنى
المهم قام
مدينى الورقة وطلع فيها الخمسين
وقعد بقى يقولهم مرمر بس
اللى تستاهل انى اشرحلها
وقعد بقى يمجد فيا
وانا بقى اتنفخت على العيال
وبقيت ببص ليهم من فوق هههههههههه
ومواقف كتير جدا
لو اقعدت اكتب عنها
مش هنخلص
بجد تسلمى حبوبتى برنسيسة
على انك فكرتنى بايام جميلة اوى
كان الانسان فيها
بيعمل كل شئ
بطبيعتة
وعلى حريتةما كان فية هم
كانت لعبة بتفرحنا
الله يقطعها ايام ههههههههههه
انا عوزاكوا تقروا
انا بقالى ساعة عمالة اكتب
كلمة كلمة
وحرف حرف
همتحنكوا فية ههههههههههه