[سندريلا المسلمه]

اولا طبعا اهلا بيكم ياأحلى اعضاء

قعدت مع نفسويتى شويه وفكرت أكتب موضوع كدا.........

ولكن لاحياة لمن تنادى !
وانا ماسكه مج الشاى المظبوط
قلت يا بت يا سندريلا يابت ياسندريلا انتى يااااااابت ياسندريلا

قلت ليه السلبية ملت البلد
ايه الكلام الكبير ده يعنى ايه سلبية ويعنى ايه بلد
يعنى مثلا لما حد ينزل موضوع جديد بتلاقى المشاهدات بتاعته زى جماهير كاس العالم
لكن بتلاقى المشاركات صفر
وده بيرجع لاسباب كتيرة :
1-بيكون العضو جديد ومش مشهور اوى فبتلاقى مفيش حد بيشغل بالة
إيه عضو جديد دى ما كلنا كنا جداد هو حد دخل المنتدى لقى نفسة مشرف .

2-الكل بيجرى ورا مواضيع المشهورين بس
3-او بيكونوا مش طايقين العضوه صاحب الموضوع شخصيا
4-او بيبقى فى شويه حقد على الكاتب دة لانه فى اقبال كتير علية
5-أو بتكون ودة الغالب يعنى مكسل أو بتكون إنسان سلبى
ودة موضوعنا
-يعنى بتقرا الموضوع وأنتم نايم متعرفش انك ممكن تكون أنت الشخصيه اللى فى لموضوع
أو ممكن يكون الموضوع غير مباشر بس من وراه حلوة اونصيحة جميلة
أو ممكن يكون موضوع شيق وهتخرج منه بأفكار جديدة
طب ليه بقى تخرج وكأنك مدخلت .
تعرف إنك بكلمه واحده ممكن تفرح العضو ده وبالذات لو كان عضو جديد ولو قلت كلمه واحده بس أو خليهم كلمتين (شكرا ليك)
هتاخد وقت منك اد غيه عشان تكتب الكلمتين دول .
لكن متعرفش بجد الكلمتين دول هيعملوا ايه فى قلب صاحب الموضوع .
طيب ايه رأيك كمان لو تكتب دعوتين صادقين من قلبك وانت طبعا متعرفش صاحب الموضوع بنيه الدعاء بظهر الغيب وتحطهم فى الموضوع.
ده ممكن يجبلك موبيل هدية ويشحنهولك كمان .
طبعا الكل هيسبنى ودلوقتى وهيرد على المواضيع الجديدة طمعا فى الجيل التالت.
أستنوا طيب لما أخلص
طبعا من لم يشكر الناس لم يشكر الله.
وخلى دايما فى بالك ان اكلمه الطيبه صدقه.
طيب هتقول لو الموضوع ميستاهلش ومش اللى هو يعنى .
هقولك لو فى نصيحه ممكن تقدمها قدمها بالحسنى
ولو عايز تنتقد انتقد بس بأدب الحوار مش إهانة وتحط ضحكه صغيرة عشان متجرحش صاحب الموضوع .
المهم نكون إجابيين واكيد كلنا هنا عشان نفيد بعضنا ونستفيد من بعض برضوا ولو النصح مش هينفع يتكتب فى الموضوع
ابعتله رساله خاصه بس متنسوش بالادب طبعا والكلمه الطيبه.
وبكده نكون فرحنا العضو وقلناله انت بتكتب واحنا بنشجعك لو عملنا الحاجات اللى فاتت.
وابقوا قابلونى لو لقيت حد رد على موضوعى ده