كتب على سلامة,
بقول لها...
احنا ليه يا ام عبدالله...
بنحللها لما نعوز...
و نحرمها لما نعوز...
و نعديها بحجة...
إن الدنيا حظوظ....
عارفه يا ام عبدالله...
انا نفسي يا ام عبدالله....
يبقى عندي نفوذ...
و تدلعيني بقى يا ام عبدالله...
أحسن وربنا...
أنحرف وأبوظ....
نفسي يا ام عبدالله...
يبقى عندي سلطه...
وفلوس...
واللي اقوله يتنفذ...
يعني قيام قيام...
جلوس جلوس...
ويبقى عندي اراضي كتير...
وبهايم...
معيز وحمير...
وبقر وجاموس...
ونفسي يا ام عبدالله...
ف حتة عيل ياخد كل شئ....
بالامر المباشر...
من غير ما يسهر ويتعب ويذاكر...
من غير كتب ومدارس...
ومدرسين ودروس...
قالتلي...
معلش يا خويا...
هو وجع الضروس وحش...
ربنا يشفيك...
يا راجل استغفر ربك...
انت يا راكبك عفريت...
يا ملبوس...
و وسع كده...
خليني ادي الواد اللبوس...
بتاع الحراره...
يا راجل...
ده انت بتخاف من حقنة الشيح...
مع انها زي شكة الدبوس..
منهم لله بقى....
اللي علموك شرب السيجاره...