هيّ آخر الأحلام نطلقها على عجل ونمضي....هيّ آخر الأيام نطويها ونرحل في سلاااااام
هيا معًا نقاوم الغلاء
في ضوء هذه الموجة من الغلاء التى نعيشها الآن في مصر جائتني فكرة بسيطة وسهلة جدًا وممكن أي حد فينا يطبقها .... عايز تعرفها ؟؟؟؟؟ كمل معايا
المشروع وببساطة عبارة عن ' الإنفاق ' ..... ياعم بنقول اللى جاي مش مكفي تقولي ننفق منه ؟!!!! إزاي يعني ؟ إزاي ؟؟؟؟؟
بص ياعم أنت بتصدق ربنا ولا لأ ؟
طبعًا بتصدقه .... طيب إسمع ربك بيقول إيه ( وما تنفقوا من شئ يوفى إليكم وأنتم لا تظلمون ) ... يا عم بس ده في الآخرة ؟؟؟؟؟
مين اللى قال الكلام ده
بتصدق النبى ولا لأ ؟
سيدنا رسول الله -صلى الله عليه وسلم - بيقول في الحديث القدسي عن رب العالمين ' يا ابن آدم انفق انفق عليك '
اسمع كمان ' ثلاثة أقسم عليهن وأحدثكم حديثا فاحفظوه قال ما نقص مال عبد من صدقة ولا ظلم عبد مظلمة فصبر عليها إلا زاده الله عزا ولا فتح عبد باب مسألة إلا فتح الله عليه باب الفقر '
موضوع بسيييييييييييييييييييط جدًا ..... عارفين غزة ؟؟؟؟ عارفين الناس الجعانه اللى هناك ؟؟؟؟ عارفين ياجماعة إن مفيش كهرباء هناك ؟؟؟؟؟ عارفين كمان إن الناس مش لأقيه علاج ؟؟؟؟؟؟
طيب مهوا إحنا كمان في نفس الوضع .... لا لقيين دوا ولا أكل ولا أي حاجة .... إيه الفرق ؟
أيوه صحيح إحنا وهما لا لقيين أكل ولا دوا ولا أي حاجة ... بس الفرق كبييير قوي ياجماعة ... صح ولا أنا غلطان !!!!!!!!!!!!!!!!!!!!!!
وبعدين مهيا دي فرصتنا .... ' أنفق ، أنفق عليك ' ... وبعدين هوا إحنا نسينا ولا إيه ( ويؤثرون على أنفسهم ولو كان بهم خصاصة ) ..... وكلنا عارفين قصة رأس الشاة اللى دارت على سبعة بيوت لفقراء الأنصار
الفرصة عندك .... ' انفق ، انفق عليك ' ... إزااااااااااااااااااي ؟
عارف نقابة الأطباء - اللى في شارع القصر العيني - ... إطلع السلم ، وخش شمال ... هتلاقي نفسك في إتحاد الأطباء العرب ....... إمشي مع الطورقة هتلاقيها بتلف يمين .... معاها هتلاقي قوضة ألوميتال هناك إديهم تبرعك .... مش هقول تبرع بقى ، انفق على نفسك .....
والله والله والله والله والله والله
ما نقص مال عبد من صدقة
"من ميلي"