[ملكة بإحساسي]

قرنون محشي بالحم المرحي

نجيبو القرنون نقيوه مليح و مبعد نفوتو عليه نص حبة قارص باش مايكحالش

و من بعد نجيبو حبة بيض نفصلو الصفار على البياض الصفار ندهنو بيه القرنون و نحطو عليه شويا فرماج

نجيو للحم مرحي نديرو فيه مغيرفة هريسة شويا ثوم ملح فلفل لكحل دبشة و تحبي ديري شوية روز طايب نص طياب و لا ترابي حبة قرنون و تجمعي ببياض البيضة الي بقاتلك و تعمري حبات القرنون تاوعك

من بعد نحضرو صوص تومات نديرو 3 حبات طماطم تكون حمرة و طايبة مش خضرا نرابيوهم نزيدولهم شويا ثوم ملح فلفل لكحل هريسة و نحطوهم يطيبو معا شويا زيت و نخليوها تتقلا شويا و من بعد نحطو حبات القرنون و نديرو فنجان و لا نص كاس ما قيس مايتغطى القرنون برك مانوصلوش للحم بيسك اللحم يطيب بلخف نقصو للفرن و نغطيوهم و نخليوهم يطيبو على نار قليلة و كي تشوفي لاصوص عقدة و تعقد شوي نضيف فوقها حبات القرنون شويا فرماج رابي و ضعي الكسبر من الفوق و عاودي اغلقي و طفي الفرن و خلي الفرماج يذوب

و هاوليك كي نضج

ان شاء الله يعجبكم