ابو عمر
ليس كل من فى ميدان التحرير
من شباب 25 يناير
بدليل
ان فية ناس من شباب 25 يناير فى بيوتهم دلوقتى
وقابلين لكل الاصلاحات دى
اما بالنسبة للى موجودين فى التحرير
فمنهم شباب فعلا يريد الحرية
ومنهم شباب واخدها تسلية
ومنهم معارضة بدور على نفسها
ومنهم اخوان عاوزين حتة من التورتة
ومنهم شخصيات عامة كل واحد فيهم حصلة كارثة من النظام
يعنى مش كل اللى فى الميدان كويسيين ومش كلهم وحشيين
لو ركزت فى خطاب مبارك اللى فات او بتاع امبارح
هتتاكد
ان دة مش مبارك صاحب الشخصية القوية
دة انسان
بيتحايل على الشعب
عشان يرحمة
عشان بس يدفن فى ارضة
انا مبارك ولا حكومتة نفعونى بشئ
بالعكس ضرونى كتير
اتعلمتنا واخدتنا اعلى الشهادات وقاعدين فى البيت
تعليم وعلاج وكل شئ على حسبنا
بس انهاردة
انا بطالبهم اخرجوا من ميدان التحرير
عشان
مبارك والنظام لو وقعهم دلوقتى
هنبقى العن من تونس
تونس لحد انهاردة ما فيها نظام ولا امن
لانهم عملوا نفس موضوعنا
بداوا بالحكومة الحكومة استقالت
ثم بن على تنحى
ثم لا احنا مش عاوزين حد من ريحة بن على فى النظام الجديد
وفضلوا يؤمروا وكان الوطن بقى لعبة شعبية
لسة اول امبارح
فى تونس بعتوا للناس اللى كانوا بالجيش واللى طلعوا على المعاش عشان ينزلوا
يحموا البلد اللى خربت
وعلى فكرة مصر مش تونس
التونسة بيحملوا جنسيتين فرنسية وتونسية
لغتهم مخلطة
لكن
المصريين
ليس لديهم غير جنسية واحدة جنسية مصرية
ان ضاعت ضاعوا
ولغة واحدة
ان ضاعت فقدوا الكلام فقدوا تاريخهم
خلاص بقة
كل شئ بدا يتغير من حاولنا فعلا
ومبارك يعتبر دلوقتى رئيس شرفى زى الملوك
نبدا بقى نقول
لعمر سليمان وحكومتة اشتغلوا
عاوزين فعلا مصر تبقى احسن دولة عربية
عشان قطر ما تشمتش فينا
ما يطلعوا يشتموا فى مبارك اللى فى الاخر بيحمل جنسية مصرية
وبيحييوا اميرهم المحترم اللى اخد تنظيم كاس العالم بالرشوة
عاوزين ايران ما تتدخلش فى حياتنا
عاوزين امريكا تبعد عننا
عاوزين البطالة تنتهى
والناس تلاقى تاكل ولادها
عاوزين نبدا فى اتجاة العدالة الاجتماعية
فية حاجات كتير اوى عاوزنها
مصر مش مبارك
دلوقتى
مصر دولة فيها 80 مليون فرد
عاوزيين يعيشوا وياخدوا حقوقهم
اة على فكرة
فية ناس فى ميدان التحرير
مش عاوزين النظام باكملة
طيب
لو صبح بكرة
النظام كلة استقال
طبعا هنبقى تحت سيادة الجيش
هيطلعوا بتوع التحرير يقولوا
عاوزنها مدنية لا عسكرية
طيب
انا بقى عندى فكرة احسن
النظام يستقال
والجيش يروح على حدود البلد
وتبقى مصر من غير حكومة ولا نظام ولا شرطة ولا جيش
ونخلى
حبايبنا فى ميدان التحرير
يحكمونا
عشان نريحهم
ويسيبوا الميدان