مسافر ومسيره يرجع
كتب هيثم دبور
فى حياتى حد بوصلّه
ووراه عزيز بيحصلّه
وناس يروحوا ويسألوا
وناس تلاهيهم كتير
أنا كنت طاير من سنين
دلوقتى ليه..
مليش جناح علشان أطير
وبقضّى عمرى أستنى ناس
أو حتى صوتهم من بعيد
أو صورة مبعوتة فى جواب
مستنى وحشه أو عتاب
أو حتى حدوتة مملة يقصها
وأتعب وأمل فى نصها
وأكتب كلام
بقلب شاخ وبلصمه
تلته انكسر
تلته انتظر
وتلت تالت م التعب..
لـ يموت لوحده..
لـ ينتحر