[تسنيم جمال]

المشاركة الأصلية كتبت بواسطة اكرم شكرى

التقرير دة ناقص كتير

فين وعد بلفور اللى اعطى فلسطين لليهود واللى كان السبب فية مبارك

وفين حرب 48 وحرب اليمن ونكسة 67 وحرب الاسنذاف اللى خططلهم مبارك

وفين انتفاضة الحرمية فى الثمنينات والانفتاح الاقتصادى اللى سرقت فية كل موارد مصر

فى بطون رجال الاعمال ومحدش فتح فمة بعد اغتيال السادات ليذكرها

وفين حرب الخليج الاولى اللى خطط لها مبارك علشان تدخل ايران على العراق وتمحيها من الوجود

وفين حرب الخليج التانية لما صدام دخل الكويت بأمر مبارك علشان بعدها يتحول العالم كلة 360 درجة

وفين القواعد العسكرية الامريكية بالخليج وسرقة البترول وتغير هوية العرب اللى خططلها مبارك

وسجن ابو غريب واغتصاب العرقيات وهتك عرض رجال العراق اللى خططلها الحزب الوطنى وفلول النظام

وفين حرب فيتنام وفنبلة هروشيما ونكزاكى والحرب العالمية الاولى والثانية والمحرقة ( الهولى كوست)

فين قرارات مجلس الامن بحق الفلسطنين فى بلدهم اللى ما نفذها مبارك من 50 سنة للان

وفين حادث مقتل جون كندي اللى خطط لاغتيالة مبارك

وفين تنظيم القاعدة وحركة طالبان اللى نظمة مبارك ومسؤليتة عن تفجير البرجين

وفين الازمة الاقتصادية العالمية اللى خلصت على اقتصاد اعتى دول العالم واعلان افلاس ثلث بنوك العالم

فين تسسونامى اليابان مش مذكور لية بالتقريروالى تسبب فية النظام السابق واعوان وفلول النظام

لالالالالالالالالالا

التقرير دة ناقص كتير جدا

من اول الهكسوس والاحتلاالات المتتالية على مصر

حتى وقفة ميدان التحرير السلمية

وسلمية سلمية وانا وانت مية مية

المشكلة ان اليوم بنسمع ارقام وقصص وحكايات وروايات من صحف اجنبية

ونصدقها تصديق القرأن الكريم لانها ضد مبارك

انما لما كانت نفس الصحف بتقول ان العرب ارهابين وقتلة وان القرأن بيحرض على القتل

وان الاسلام انتشر بحد السيف ؟؟؟ وهما هما اللى نشروا الرسومات المسيئة للرسول

وهما هما اللى بيظهروالفلسطين انهم قتلة وارهابين علشان بيدافعو عن ارضهم وعرضهم

وهما هما اللى بيظهروا اسرائيل على الرأى العام العالمى انهم شعب مسالم ومظلومين من العرب

وهما هما نفس هذه الجرائد والمنظمات اللى بيمتلهكها اليهود واللى بتمحى هوية العرب من على وجه الارض

هما هما اللى كنا نتظاهر على مقالتهم وننعتهم بأبشع الصفات

هما نفسهم اللى بنأخذ منهم المعلومات الان لمجرد انهم بيقولو كلمة واحدة هى

مبارك

وكل سنة وانتم متثورجين ومعتصمين

اخى الفاضل اكرم
اسمح لى ان اختلف معك فيما سطرت فبكل صراحة ومتزعلش من اخت لك انت مبتطلعش على جرائد ولا منتديات ولا اخبار كل وسائل الاعلام ادانت مبارك الا حضرتك
كنت ككل المصريين احب هذا الرجل ولكن بعد ان تضح الامر وبعد كل الفساد والسرقات التى حدثت والله اعلم بالمستخبى لم يعد لة مكان بقلبى
كنت اود ان تناقش الاخ كاتب او ناقل الموضوع وتقول لة ان ما قلتة بحق هؤلاء فية افتراء بالرغم من انهم كلهم مسجونين وانضم اليهم يوسف بطرس غالى ولكنى للاسف ومتزعلش وجدت لغة تهكم وتريقة لغة صعبة شوية معلش حضرتك ادرس الامر جيدا
وبدون عواطف فمن المسئول عن الفساد الذى استشرى بمصر وتعبنا من لغة التخوين كل من يخالفنا الرأى ماهو الا عميل او خائن لغة زرعها فينا الحزب الوطنى فايمن نور خائن والبرادعى خائن والاخوان خونه والمعارضين خونة ويتلقون دعما من الخارج اسفة اخى فمن كان يتعامل ويتعاون معهم اليس مبارك اكبر حليف لامريكا ولاسرائيل وصدر لهم الغاز برغم احكام القضاء صح ولا غلط
حسنى مبارك ليس برئ بل مذنب بحق امتة
دة بكل بساطة
معلش استحملنى
واسفة
تسنيم