انا جيت وهجاوب عليك يا احمد دلوقتى مصحصحة شوية
ماذا تعنى لكى هذة الشهور
رجب
هو بداية شهور الخير
واول ما بندخل فية بحس ان رمضان خلاص هان وصولة وبنبدا نقول اللهم بلغنا رمضان
شعبان
شهر جميل وكان دايما رسولنا الكريم بيصوم معظمة
اتمنى انى اقدر اصوم فية ان شاء الله
رمضان
الفوانيس والحلويات والتمر هندى ههههههههه
طبعا رمضان بحس فية ان الناس كلها متغيرة فية خير وحب وتعاون وجمال
تحس انك مستمتع وانت بتتعامل مع كل انسان حواليك تقابلة
افتكر رمضان وانا فى الثانوى وكان الدروس بتعتى تخلص يادوب والادان بياذن ونمشى فى الشارع نجرى عشان نروح نلحق بكار ابو كف جميل وصغير ههههههههه
اما بقى فى الكلية
فكان لة مواقف كتير جميلة معايا
كانت السكاشن بتاعتنا تخلص متاخر ونروح عشان نركب المواصلات ما اعرفش اركب من كتر الناس
ولما نلاقى المواصلات طبعا الادان بياذن واحنا فى الطريق كالعادة والناس توقف السواق على الطريق
ويعزموا بالبلح والمية والعصير
وطول بقى ما انت ماشى تلاقى ناس بتوقفك وتديك بلح
لحد ما تروح البيت بكيلو بلح ههههههه يعنى ممكن تبيع منة هههههه
وطبعا بعد كدة تيجى صلاة العشا والتراويح وطبعا بتكون فى الجامع
والامام بتاع الجامع بتاعنا بيخلص جزء يوميا عشان بيحب يختم القران فى ليلة القدر
فبتفضل رجلينا وجعانا بس بعد ما بنخلص بنحس بلذة رائعة ان خلصت جزء وانت ما بين يد الله
وبعد كدة تيجى الحلويات والرز بلبن والبسوبسة والكنافة
والوزن يزيد ههههههه
وبعد السحور نروح كلنا نصلى الفجر فى الجامع
بجد بتكون ايام ممتعة
ربنا يتقبلها مننا جميعا
معلش طولت عليك بس انت اللى سالت وانا رغااااااية ههههههه