http://www.youtube.com/watch?v=9WrtfagVDAk
مصر بعد 25 يناير
اجمل من قبل 25 يناير
هيبقى فيها تعليم احسن وافضل
هيبقى في امل في المستقبل افضل
مش هيكون فيها ناس بتتهان وبتتعذب من ظباط شرطة ظالمين
مش هيكون فيها رشوه
مش هيكون فيها خوف
من النهارده مصر دي بلدك انت
ماترميش زبالة في الشارع
ماتكسرش اشارة
ماتدفعش رشوة
ماتزورش ورقة
اشتكي اي جهة تقصر في شغلها
ابني بلدك بايدك
شفت مساجين بتهرب
لكن عمرى ماشفت مساجين بتسلم نفسها
شفت ناس بتسرق
بس عمرى ماشفت حد بيرجع اللى سرقه
شفت الطائفية بين المسلمين والمسيحين
بس عمرى ماشفت مسلمين بيحموا كنيسه ولا عمرى شفت مسيحين عاملين كردون على مسلمين بيصلوا
شفت ناس بتموت بعض قدام عين الحكومه
بس عمرى ماشفت ناس بتحمى بعض فى غياب الحكومه
يارب نفضل كده على طول
وهوا دا التغيير الحقيقى !
عاشت مصر … تحيا مصر
و شعب وشباب وارض وتراب مصر
اخيرا مش هكون نايمه في البيت وسط اهلي
وفي ناس نايمه في الشوارع عشان معندهمش بيوت
اخيرا مش هكون باكل في بيتي
وفي ناس بتدور على اكل في صناديق القمامة
اخيرا مش هكون قاعده في مدرستي
وفي اطفال كتييييير في الشوارع اهاليهم بيخرجوهم من المدرسة و بيشغلوهم عشان يصرفوا على البيت
اخيرا مش هكون قاعده في وسط اهلى
وفي واحد مش امن على نفسه ممكن الشرطة تاخده في اي وقت بدون تهمه
زي السيد بلال اللي كان قاعد في وسط اهله وامن الدولة اخدوه وعذبوه لحد ما مات بعد دخوله امن دوله ب24 ساعة لييييه
عشان مش لاقين حد يشيل تهمة كنيسة القدسيين اخدوه ظلم ويا تعترف يا سيد يا هنموتك
ومات السيد بلال
بس مات عشان مخافش من التعذيب ومخافش من الموت
بس خاف من ربنا
انا عندي امل في بكرا كبيييييييير اوووووي
ان شاء الله مصر بلدي ام الدنيا هتبقى احسن
الله يحمي مصر ام الدنيا
ويرحم جميع شهداء 25 يناير
اللي خرجوا عشان قالوا للفساد لا
وماتوا على ايد سفاح
حبيب العادلي
اللي خرج ناس من السجون والاقسام عشان يخوفوا الناس في بيوتهم ويخربوا الدنيا
الله يحمي مصر من كل واحد مش بيتقي ربنا
مصر هتبقى احلى
جه اليوم اللي ارفع فيه راسي واقول انا مصرية