الشباب المصريين .......... إتوحدوا
وعلى الفيس بوك ............ قرروا
وليـــوم معلـــوم ............. حددوا
في ميدان التحرير ............ ينزلوا
ويوم خمسة وعشرين ....... إتجمعوا
مظاهر سلْميَة................. إشهدوا
حكومتنا العبقرية ..... وقفوا يتفرجوا
وبخفة الدم المصرية ..قالوا ولاد بيلعبوا
وكلها شوية ...........هيزهقوا ويتعبوا
ليلة والتانية ........... لبيوتهم هيروحوا
ومعرفوش إنهم ...... للميدان استوطنوا
وقالوا مش ماشيين ..... إلا لما ترحلوا
حكومتنا كأنها من كوكب تاني
وماأخدتش العبرة من الرئيس الفاني
تونس كانت قبلنا بأيام
ونفس إل عملته حكومتنا زي حكومتهم تمام
الشعب بيغلي ... والحكومة نيام
هنعدل ونصلح ونغير وكله كلام فى كلام
خلاص بطلنا نصدق ونعيش فى الاوهام
والجيش ساند الثورة وهو إل حماها كمان
وقال مطالبهم شرعية وهتتنفذ و أنا الضمان
سقطت الحكومة فاسد ورا فاسد
حتى الراس الكبيرة إل لقبها القائد
كلهم ورا القضبان
مفروض يهدي الغليان
لكن شباب ثورتنا عايزين كمان وكمان
لازم نغير المجلس العسكري
وتجيب مين يحكم البلد ياعبقري؟
إحنا أسقطنا قول مليون فاسد
وباين خلقنا 80 مليون فاسد
ربنا يسترها وتسلم العواقب
وترجع بلدنا لينا أمن وأمان دايم