سلك عريان
كتب على سلامة
أقولك حكاية
يمكن متصدقهاش
النور قاطع ف شارعنا من سنين
ولسه مجاش
عارف ليه
الكابل ضاع
آه والعيش والملح
زى ما بقولك كده
ودوَّرنا كتير مخلّيناش
وملقيناش
غير سلك عريان مكشوف
واقف ف العتمة مكسوف
ساكت آه
لكنّه مبينساش
لمّا الماسورة اتخرمت
وربطناها بحتة قماش
ولكل جرح بينزف
شوية بن
ولو البن غالى
بلاش
إيه يا عم...
إحنا كل ده ف ميدان التحرير...
لسّه متحركناش
آه والعيش والملح
لسه