انا هعتبر نفسى
انى قاعدة معاك يا استاذنا
وبحوارك
اولا
انت ليك برنامج على الجزيرة
وبالرغم من كراهيتى ليها
الا انى كنت بسمعك
وبالرغم من انى سمعت ناس بتشتمك لوجودك فى هذى القناة
الا انى كنت بقول انها حرية شخصية
وكل واحد يشتغل فى المكان اللى هو عاوزة
المهم
اولا
نقطة ان مبارك مستنى يستعيد قوتة
طيب انا عاوزة افهم هل لو استعاد مبارك قوتة
هيعمل مثلا مملكة فى شارم الشيخ ويطالب بفصلها عن باقى مصر
وياخد فيها حبايبة من النظام
ولا هل لو استعاد قوتة
هيرجع يطالب برحيل الشعب
ويحتل مصر
عاوزة افهم انتوا وكان مبارك مارد عفريت
وقت ما هيقول انا راجع
رئيس
هييجى وهيكون رئيس
انا دايما كنت بسمع عن ناس بتتنحى لكن عمرى ما سمعت عن حد تنحى ورجع
ماشى
طيب
نيجى للحكومة
اللى مزعلة الكل وماحد قادر يصبر عليها
دلوقتى هو مش المشير طنطاوى من الحكومة
والمشير طنطاوى كان تابع لنظام مبارك النظام الفاسد
وللحزب الوطنى
وفى نفس الوقت المشير طنطاوى هو اللى حافظ على الثورة وحافظ على البلد
ولحد انهاردة عمال ياخد فى اوامر من الثورجية
وهو نفسة الراجل اللى ممكن دلوقتى يقول عليا وعلى اعدائى والكرسى بتاعى واضربوا راسكوا فى الحيط يا مصريين
اذن
فية ناس من اتباع مبارك ولكنهم ناس محترمة
اية المشكلة
ان احنا نصبر على حكومة
من النظام السابق
جايز بردة تطلع ناس بتحب البلد
واللى هيطلع فاسد هيطرد
بس ظروفنا هتكون اتحسنت
نيجى للنقطة الاخيرة الغريبة
تعرف ان كل الناس اللى طلعوا شتموا فى مبارك
مافى حد قال انة ضرب طايرتين غيرك
طيب
انا بقى سمعت
طلعت السادات
وهو بيقول
ان السادات الله يرحمة عرض على مبارك امر
ولولا قرار مبارك
كانت الحرب اتعكس مجارها وكنا هنخسرها
طيب
اذن
يا اما انت اللى كذاب يا اما طلعت الساداتاللى كذاب
طيب
انت كنت مستشار للسادات الله يرحمة
ومبارك كان نائب له
ممكن اجى انهاردة واتبلى عليك
واقول
انك بتقول الكلام
دة لانك
كنت تتمنى انك تكون مكان مبارك بعد موت السادات
عموما
احنا فى بلد ديمقراطى
قول اللى انت عاوزة
وانا هقول اللى انا عوزاة
بس اتمنى ان الدفاتر القديمة ما تاثرش على رايك ولا قناة الجزيرة ولا قطر