عرض مشاركة واحدة
قديم 04-01-2011, 06:37 PM رقم المشاركة : 1
معلومات العضو
همس الليالي

الصورة الرمزية همس الليالي

إحصائية العضو








همس الليالي غير متواجد حالياً

 

Icon26 اكتب رسالة لحبيبتك

اكتب رسالة لحبيبتكـ



يمكن استغربتوا من الموضوع!!

بس اللي فهمتوه صح

ايه وش فيها أكتب يا خي رسالة لحبيبتك
عبر لها عن حبك لها و شوقك و تقديرك لها
ما تدري يمكن يجي يوم و تقراها و تنبسط


تدري إنها تحبك أكثر من نفسك؟؟ تدري إنها تفهم كل نظرة منك؟؟

تضيق إذا ضقت لأنك روحها و حياتها و كل الدنيا في عيونها!!
لو تشوفك مريض ..تتمنى المرض فيها و لا فيك..ودها تفديك بروحها و عمرها..ما تبيك تزعل..و لا تتضايق..

تفرح إذا فرحت..تشبع إذا شبعت..تسهر إذا سهرت..ما تبي منك أي شي بس تبي شي وااااااااااحد..إنها تملى عينها منك
تصدق إن حبها لك يخليها تنعمي عن كل عيوبك..حتى لو تنتبه لعيب معين تسكت..و تدعي لك إن الله يصلحك..لأنها ما ودها تجرحك أو تخسرك

لو تكون في أسوأ حالة نفسية و تشوف بسمتك بس..تنسى كل همومها..لو تمزح معها تحس بشي عجيب..تحس إنها ملكت الدنيا و ما فيها لأنك خصصت جزء من وقتك علشان تمازحها..مين قدها بس؟؟



لو تقسى عليها..تحزن..بس ما ينقص من حبها لك ذرة..يمكن يزيد تعلقها بك..و يمكن حزنها هذا لأنها (أخطت بحقك)حسب تصورها
و لو عيونك بس تعتذر بدون ما تتكلم تلقاها الصدر الحنون اللي ما يشيل عليك و تنسى كل شي و تدوس على الجرح اللي سببته لها و تـ نـ سـ ـى!!
ربي عطاها قدرة كبيرة على التسامح و الصفاء و الحنان و العطاء بلا حدووووووووووود
عطوفة حتى لو قست..صادقة حتى لو جاملت..تحــــبك حتى لو ما بينت



و بعد كل هذا ما تبي تكتب لها رسالة واااااااااااااااااااحدة تعبر لها عن جزء من مليون جزء من حبك لها؟؟
يعني تستخسر الكلمة الحلوة لها؟؟لو ابتسامة بس تراها عندها تسوى الكثييييييييييييير..

إنت تدري إنك لو جمعت حب البشر كلهم لك ما يطلع شي قدام حبها لحالها لك؟؟

تدري إن دمعة وحدة من عينها ممكن تخليك فااااااااااااشل طول حياتك؟؟


لأن دمعتها غالية و اللي يضيع الغالي ما يستحق لفظة (إنسان)
لو إنك إنسان بحق ..روح الحين شم يدها و قبلها بعمق..كل ما دخلت البيت إياني و إياك تروح لغرفتك قبل ما تمر عليها..حسسها إنها مهمة عندك


طيح بحضنها كل ما شفتها..ضمها بقوووووووووووة لأنها تستاهل أكثر من خوياك القريبين لك..لأن خويك يمكن يجي يوم و يصير عدوك..بس هي لو مهما صار مستحيل تصير عدوة لك


جرب مرة تنام في حضنها..حتى لو إنك كبير..وش فيها؟؟ جرب و ما راح تندم..لأنها راح تنبسط حيل حتى لو علقت عليك
و إنت بين النوم و بين اليقظة ..كل ما فتحت عينك تلاقيها تناظرك كأنك لوحة فنية..و يدها الحلوة تمسح على وجهك و تقول لك بكل حنية:ناااااام ناااااااام


لو تحمل همووووووووم الدنيا كلها إياني و إياك تبين لها..خلك طبيعي و اضحك و سولف معها..هي صحيح راح تقرا كلام عيونك..بس إنت راح تنسى كل شي بس..إذا كنت معها
جيب لها هدية..ايه هدية وش فيها؟؟ لو وردة من (ورود البلدية) هههه من جد ليش تستصعب هالشي؟؟
ترى الهدية تفرحها..حتى لو علقت عليك و مازحتك..صدقققققققققني!!..تلا قي عصافير بطنها ترقص من الفرح لأنك ذكرتها..لو بالقليييييييييييييييل


يلااااااا ما أطول عليك يا الغالي و أخلي لك فرصة تعبر عن حبك لحبيبتك على راااااااااااحتك و لا تخلي في قلبك شي


ملاحظة يا الغالي:
يمكن تقسى عليك أحيانًا بس مستحيييييييييييل إنها تكرهك إنســــــى..و إذا شفت منها تقصير اعرف إن الخلل ..منك إنت
و جرب تبداها بالحسنى و تشوووووووووووووف الحب المستخبي و لا تتكبر عليها لأنك صغيييييييير عندها مهما أنجزت.. و إن سويت ما سويت ما راح توصل قطرة في بحر عطاءها


(أمك ثم أمك ثم أمك)


م/ن






آخر مواضيعي 0 الجز على الأسنان
0 عجباً لغافلٍ والأهوال تنتظره !
0 افعى المامبا السوداء
0 صور سلق الصيد
0 من أحاديث الهابطين
رد مع اقتباس