انا بقى هحكلوا
عن موقف حصلى زمان
وانا كنت فى 3 ابتدائى تقريبا
كنا فى رمضان
وخالى اصر ياخدونى يومين البلد عند جدتى قضيهم معاهم فى رمضان
المهم روحت معاة
طبعا انا كنت باخد فرصة المرواح للبلد عشان انطلق
فى الشارع
لان دة كان ممنوع فى بيتنا
فكان ليا شلة كدة من اصدقاء الشارع
ولاد وبنات جيران جدتى
المهم
جمعنا بعض
عشان نلعب بقى
ودة كان قبل الفطار
طبعا كلنا كنا بنقول ان احنا صايمين
بقى ولو شوفنا حد بياكل كنا بنتريق علية ونزفة فى البلد كلها
المهم
اتجمعنا
وقاعدنا نلعب بقى كهربة واستغماية
انا كنت زئردة صغننة كدة ماحدش كان بيعرف يمسكنى اجرى العيال ورايا البلد كلها وبردة مافيش حد يعرف يمسكنى
فكان فية ولد من اللى كانوا بيلعبوا معانا
باسم الله ماشاء الله حاجة كبيرة كان مليان اوى وطويل
الواد دة كان احيانا ممكن يضربنا كان مفترى
انا بصراحة كنت متغاظة منة اوى
وقررت انتقم
المهم
كنا بنلعب كهربة فهو المفروض اللى بيجرى ورانا
المهم دوغتة
لفتتة البلد كلها
وماعرفش يمسكنى
بعدها جة يقولى هو انتى بتعرفى تجرى كدة ازاى واحنا صايمين والجو حار اوى
انا هفطر بكرة عشان اعرف اجرى
قولتلة لا
عارف انا باعرف اجرى لية عشان مش بتسحر
فبعرف اجرى مية مية
والكارثة انى اساسا كنت فاطرة هههههههههههه
المهم جينا تانى يوم
قالى انا مش اتسحرت انهاردة
وهعرف اجرى
يادوب هو بيجرى ورانا من هنا
الواد وقف واغمن علية هههههههههه
واهلة بقى جم فوقوة وكانت حكاية
ويقولهم هى اللى قالت ليا مش اتسحر وهعرف اجرى
لو ما وريتك
وتربصلى
طبعا انا تانى يوم على طول
كنت مفلسعة من البلد
دة لو كان طلنى كان اتسحر بيا هههههههههه
شكلى كنت مفترية من زمااااااااااان ههههههههههه