الموضوع: جرس الباب
عرض مشاركة واحدة
قديم 12-30-2010, 11:17 PM رقم المشاركة : 1
معلومات العضو
ساجده

الصورة الرمزية ساجده

إحصائية العضو








ساجده غير متواجد حالياً

 

Cool جرس الباب


جرس الباب

كتب على سلامة

الله يكون ف عون
اللى ملهوش أصحاب..
يجرى لما يسمع جرس الباب..
يفتح يلاقى المكوجى
يفتح يلاقى وصل النور
يفتح يلاقى شوية برد..
ويفتح وما يلاقيش حد..
يرجع يدوّر ف الدفاتر القديمة
وألبوم الصور
ويقرا للمرة الألف
نفس الجواب..
الله يكون ف عون
اللى مفيش معاه
غير شوية عناوين..
وأرقام تليفونات
مايعرفش أصحابها مين..
ووردة دبلت ف قلب الكتاب..
ياه..
معقول يجى يوم يا قلبى
ونتسول شوية ونس..
معقول ليالى البوح يصيبها الخرس..
ياترى شكلهم إيه يا قلبى
اليومين الجايين..
ويا ترى هاتميل على مين
لما تحب ترتاح..
إياك تبطل تحب
واوعى ف يوم تنتظر اللى راح
ومش راجع..







آخر مواضيعي 0 أخلاق الكبار
0 ترويض وتهذيب النفس
0 قل يارب....
0 إلى أين أذهــب ؟؟؟
0 فكرت قبل كده ربنا خلق المخلوقات الشريرة ليه؟
رد مع اقتباس