[ام بسمله]

الاخت الفاضله امل

موضوع حلو وجاى فى الوقت المناسب

انتى بتقولى ما نسمعه من الفاظ ساخره من الفريقين

اولا احنا مش سمعنا غير شتائم من الجمهور الجزائرى

ولو كنت شاهدتى حلقه يوم الخميس من برنامج مساء الانوار

كنتى هتنامى حزينه زى ما حصل معانا كلنا

اختى الفاضله احنا سمعنا جمهور الجزائر وهو بيغنى فى الشوارع

ايه ايه ايه مصر حراميه وكانت كلمه حراميه واضحه وصريحه

تانى حاجه شوفنا الصور اللى عملنها للعيبه

شوفناهم وهما حاطين صور الراقصين والفنانات على اجساد اللاعيبه

واللى وجع قلوبنا لما ولعو فى تيشرت اللعيبه والتيشرت زيه زى علم مصر

مين اللى بداْ بالحرب الاعلاميه مصر ولا الجزائر ؟؟؟

احنا لا ولعنا فى تيشرتات الفريق الجزائرى ولا قولنا عليهم حراميه ولا لبسنا المدرب

بتاع الفريق لبس عروسه رايحه تتزف زى ما عملو فى حسن شحاته

انا معاكى انها فى الاول والاخر مباراه بس مباره مهمه جدا

ولو مش كانت مهمه مش كان الجمهور الجزائرى عمل كل ده وواضح ان ده من خوفه

وباذن الله هنكسب وهنوصل

بس ياريت من غير الحرب النفسيه اللى بيعملها جمهور الجزائر

مدحت شلبى قالها امبارح والمصريين كلهم بيقولوها احنا فى الاول والاخر اخوه وعرب

ومادام احنا اخوه وعرب ومسلمين يبقى ياريت نحترم بعض اكتر من كده

حطى نفسك مكان كل مصرى شاف اللى عمله الجمهور الجزائرى

تخيلى كده تيشرت الفريق الجزائرى بيتولع فيه

هتعملى ايه ؟؟؟

اكيد هتحزنى زينا

صدقينى من كل قلبى بتمنى ان مصر تفوز ونغنى يا بلادى يا احلى البلاد يا بلدى

ياريت ما تزعليش من كلامى احنا فى الاول والاخر اخوه ولا ايه