كتب على سلامة ,
شتا ناشف
لا شمس طيبة..
ولا مطر..
مشوار بسيط لقلب حبيبى
حسيت كأنه سفر..
سألنى أبويا زمان
كيلو الحديد أتقل..
ولا كيلو القطن..؟
أنا قلت الحديد..
يا ترى ده كان غباء منى
ولا أنا من صغرى
كان عندى بعد نظر..
سكت الكلام المباح
مغلق الطريق للجراح
ومرسوم على صندوق الأمل
علامة خطر..
ولو قربت منك أموت
ولو بعدت عنك أموت
واعمل إيه..
وانا صوتى متحاش
من قبل إعلان حالة السكوت
ومن قبل ما يغيب القمر